November 27, 2023
November 27, 2023
ദോഹ :അടുത്ത വർഷം ജനുവരി 12 മുതൽ ദോഹയിൽ നടക്കാനിരിക്കുന്ന ഏഷ്യൻ കപ്പ് ഫുട്‍ബോൾ മത്സരങ്ങളുടെ രണ്ടാം ഘട്ട വിൽപനയിൽ ആദ്യ 24 മണിക്കൂറിൽ മാത്രം 90,000 ടിക്കറ്റുകൾ വിറ്റഴിഞ്ഞതായി പ്രാദേശിക സംഘാടക സമിതി അറിയിച്ചു.
ഖത്തർ, സൗദി അറേബ്യ, ഇന്ത്യ എന്നിവിടങ്ങളിൽ നിന്നുള്ള ആരാധകരാണ് ഏറ്റവും കൂടുതൽ ടിക്കറ്റുകൾ സ്വന്തമാക്കിയത്.ജനുവരി 12 ന് പ്രശസ്തമായ ലുസൈൽ സ്റ്റേഡിയത്തിൽ ഖത്തറും ലെബനനും തമ്മിലുള്ള ഉദ്ഘാടന മത്സരവും ഒമാനും സൗദിയും തമ്മിലുള്ള മത്സരവും നേരിൽ കാണുന്നതിനാണ് ഏറ്റവും കൂടുതൽ ആരാധകർ എത്തിയതെന്നും റിപ്പോർട്ടിൽ പായുന്നു.നവംബർ 19 നാണ് രണ്ടാംഘട്ട ടിക്കറ്റ് വിൽപന ആരംഭിച്ചത്.അതേസമയം,ഒക്ടോബർ 10ന് ആരംഭിച്ച വില്പനയയുടെ ഒന്നാം ഘട്ടത്തിൽ ആദ്യ 24 മണിക്കൂറിൽ 80,000 ടിക്കറ്റുകൾ വിറ്റുപോയിരുന്നു.
ഗ്രൂപ്പ് സ്റ്റേജ് മത്സരങ്ങളിലേക്കുള്ള ടിക്കറ്റുകൾക്ക് 25 ഖത്തർ റിയാൽ ആണ് നിരക്ക്.https://asiancup2023.qa/ar ആരാധകർക്ക് തുടർന്നും ലഭ്യമായ ടിക്കറ്റുകൾ സ്വന്തമാക്കാവുന്നതാണ്.ജനുവരി 12 മുതൽ ഫെബ്രുവരി 10 വരെയാണ് കാൽപന്തുകളിയിലെ ഏഷ്യയിലെ കരുത്തന്മാർ മാറ്റുരക്കുന്ന ഏഷ്യൻ കപ്പിന് ദോഹ വേദിയാകുന്നത്.ഖത്തറിന് പുറമെ ഇന്ത്യയും ഇത്തവണ ഖത്തറിലെ സ്റ്റേഡിയത്തിൽ ബൂട്ടണിയാനെത്തുന്നത് മലയാളികൾ ഉൾപ്പെടെയുള്ള ഇന്ത്യൻ ആരാധകർക്ക് ഇരട്ടി ആവേശം പകരും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
