September 09, 2020
September 09, 2020
ദോഹ : ഖത്തറിലെ ഇന്ത്യന്‍ എംബസിയുടെ പ്രത്യേക കോണ്‍സുലാര്‍ ക്യാംപ് സെപ്റ്റംബര്‍ 12 ന് നടക്കും.ഒനൈസയിലെ എംബസി ആസ്ഥാനത്താണ് ക്യാംപ് നടക്കുക.സേവനങ്ങള്‍ക്കായി എംബസിയില്‍ ഓണ്‍ലൈന്‍ മുഖേന മുന്‍കൂര്‍ അനുമതിക്കായി റജിസ്റ്റര്‍ ചെയ്തവര്‍ക്കാണ് ക്യാമ്പിൽ സേവനങ്ങൾ ലഭിക്കുക. പൊലീസ് ക്ലിയറന്‍സ് സര്‍ട്ടിഫിക്കറ്റ്, അടിയന്തര പവര്‍ ഓഫ് അറ്റോര്‍ണി, വ്യത്യസ്ത ഒറിജിനല്‍ സര്‍ട്ടിഫിക്കറ്റ് അറ്റസ്റ്റേഷനുകള്‍ തുടങ്ങിയ സേവനങ്ങളാണ് ലഭിക്കുക.സേവനം ആവശ്യമുള്ളവര്‍ ഇന്ന് വൈകുന്നേരത്തിന് മുമ്പ് 33 05 96 47 എന്ന നമ്പറില്‍ ആവശ്യമായ രേഖകൾ സഹിതം വാട്‌സ് അപ്പ് സന്ദേശം അയയ്ക്കണം.
പേര്, പാസ്‌പോര്‍ട് നമ്പര്‍, ഖത്തര്‍ ഐഡി നമ്പര്‍, മൊബൈല്‍ നമ്പര്‍, ഇ-മെയില്‍ വിലാസം, ഏത് സേവനമാണ് വേണ്ടത്, അടിയന്തര സേവനം ആവശ്യപ്പെടാനുള്ള കാരണം, ഓണ്‍ലൈന്‍ വഴി മുന്‍കൂര്‍ അനുമതി ലഭിച്ച തീയതിയും സമയവും എന്നിവയാണ് വാട്സ്ആപ് ചെയ്യേണ്ടത്.ക്യാംപില്‍ പങ്കെടുക്കാനുള്ള അനുമതി, സമയം എന്നിവ സംബന്ധിച്ചുള്ള വിശദാംശങ്ങള്‍ വാട്‌സ് അപ്പ് വഴി തന്നെ അപേക്ഷകർക്ക് ലഭിക്കും.
ന്യൂസ്‌റൂം വാർത്തകളും തൊഴിലവസരങ്ങളും അറിയാൻ ഈ വാട്സ്ആപ് ലിങ്കിൽ ചേരുക
