March 26, 2023
March 26, 2023
ന്യൂസ്‌റൂം ബ്യൂറോ
ദോഹ: വിശുദ്ധ റമദാനില്‍ ഖത്തറില്‍ സ്വര്‍ണ്ണ വില്‍പ്പനയില്‍ 50 ശതമാനത്തിന്റെ വര്‍ധന. വര്‍ഷാവര്‍ഷം റമദാന്‍ സ്വര്‍ണ്ണ വില്‍പ്പനയില്‍ വര്‍ധനവ് രേഖപ്പെടുത്തുന്നത് പതിവാണ്. അതുകൊണ്ടുതന്നെ ഖത്തറിലെ സ്വര്‍ണ്ണ വ്യാപാരികള്‍ കാത്തിരിക്കുന്ന സീസണുകളിലൊന്നാണ് റമദാന്‍.
പ്രതിസന്ധി ഘട്ടത്തില്‍ സുരക്ഷിതമായ കറന്‍സി എന്ന നിലയിലും, വിശ്വസനീയമായ നിക്ഷേപ സ്രോതസ്സ് എന്ന നിലയിലും സ്വര്‍ണ്ണം വാങ്ങുന്നവരുടെ എണ്ണം ദിനംപ്രതി വര്‍ദ്ധിച്ചുവരികയാണ്.
ഖത്തറിലെ സ്വര്‍ണ്ണ വ്യാപരികള്‍ അവരുടെ ഏറ്റവും പുതിയ ഡിസൈനുകള്‍ പ്രദര്‍ശിപ്പിക്കുന്നത് റമദാന്‍ സീസണിലാണ്. ഖത്തറിലെ കുടുംബങ്ങള്‍ സ്വര്‍ണ്ണം വാങ്ങാനും സ്വര്‍ണ്ണം കൈമാറ്റം ചെയ്യാനും തല്പര്യപ്പെടുന്നത് റമദാന്‍ കാലത്താണ്. പരമ്പരാഗത സ്വര്‍ണ്ണാഭരണങ്ങള്‍ ഇഷ്ടപ്പെടുന്ന ഖത്തറികളാണ് നിലവില്‍ വിപണിയെ സജീവമാക്കുന്നതെന്ന് അല്‍ സലാഹി ഹോള്‍ഡിംഗ് ഗ്രൂപ്പ് എക്‌സിക്യൂട്ടീവ് ഡയറക്ടര്‍ പറയുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
