March 19, 2023
March 19, 2023
ന്യൂസ്‌റൂം ബ്യൂറോ
ദോഹ: അഴിമതിക്കേസിൽ അറസ്റ്റിലായ ഖത്തർ മുൻ ധനകാര്യ മന്ത്രി അലി ഷെരീഫ് അല്‍-ഇമാദിയെ ക്രിമിനല്‍ കോടതിയിലേക്ക് റഫര്‍ ചെയ്യാൻ അറ്റേര്‍ണി ജനറല്‍ ഉത്തരവിട്ടു. 2021 മെയ് 6നാണ് മുൻ ധനമന്ത്രി അലി ഷെരീഫ് അല്‍-ഇമാദിയെ പബ്ലിക് പ്രോസിക്യൂഷന്‍ അറസ്റ്റ് ചെയ്തത്. സാമ്പത്തിക ക്രമകേടുകൾ ഉൾപ്പെടെയുള്ള കുറ്റകൃത്യങ്ങളാണ് അദ്ദേഹത്തിന് മേൽ ചുമത്തിയത്.
പ്രതികളെ ചോദ്യം ചെയ്തും സാക്ഷികളെ വിസ്തരിച്ചും മറ്റു റിപ്പോര്‍ട്ടുകള്‍ പരിശോധിച്ചും ആവശ്യമായ തെളിവ് ശേഖരണം പൂർത്തിയാക്കിയതായി പബ്ലിക് പ്രോസിക്യൂഷന്‍ വ്യക്തമാക്കി.
ഓഫീസ് ദുരുപയോഗം, അധികാര ദുര്‍വിനയോഗം, പൊതുമുതൽ നശിപ്പിക്കല്‍, കള്ളപ്പണം വെളുപ്പിക്കല്‍ എന്നിവയാണ് പ്രതിക്കെതിരെ ചുമത്തിയിരിക്കുന്ന മറ്റ് കുറ്റങ്ങൾ.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/BA70KEJMeBmGW92ahNcBva
