April 28, 2023
April 28, 2023
ന്യൂസ്‌റൂം ബ്യൂറോ
ദോഹ: 2022ലെ ഫിഫ ലോകകപ്പിന് ആതിഥേയത്വം വഹിച്ച ഖത്തര്‍ 2027ലെ ഫിബ(FIBA) ബാസ്‌ക്കറ്റ്ബോള്‍ ലോകകപ്പിനും ആതിഥേയരാകും. ഫിബ ബാസ്‌ക്കറ്റ്ബോള്‍ ലോകകപ്പിന്റെ ഹോസ്റ്റിംഗ് അവകാശം ഖത്തര്‍ ബാസ്‌ക്കറ്റ്ബോള്‍ ഫെഡറേഷന് ലഭിച്ചു.
ഖത്തര്‍ ബാസ്‌ക്കറ്റബോള്‍ ലോകകപ്പിന് സജ്ജമാണെന്നും ആരാധകര്‍ക്ക് മികച്ച സേവനം നല്‍കുമെന്നും അധികൃതര്‍ അറിയിച്ചു. ലോകത്തിലെ മികച്ച കണക്റ്റഡ് ഡസ്റ്റിനേഷനുകളിലൊന്നായ ദോഹയിലേക്ക് മിക്ക രാജ്യങ്ങളില്‍ നിന്നും ഫ്ളൈറ്റുകളുണ്ട്. നവീകരിച്ച മികച്ച പൊതുഗതാഗത സംവിധാനങ്ങള്‍ മികച്ച അനുഭവമാണ് സന്ദര്‍ശകര്‍ക്ക് പകര്‍ന്നു നല്‍കുക.
അതേസമയം ഫിബ ബാസ്‌ക്കറ്റ്ബോള്‍ ലോകകപ്പ് 2027ന്റെ ആതിഥേയത്വം വഹിക്കാന്‍ ഖത്തറിനെ തിരഞ്ഞെടുത്തതില്‍ സന്തോഷമുണ്ടെന്ന് ഫിബ പ്രസിഡന്റ് ഹമാനെ നിയാങ് പറഞ്ഞു. എല്ലാ ടീമുകളും ഒരേ നഗരത്തില്‍ കളിക്കുന്നതിനാല്‍ ആരാധകര്‍ക്ക് യാത്ര എളുപ്പമാകുമെന്നും അധികൃതര്‍ അറിയിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
