January 26, 2023
January 26, 2023
ന്യൂസ്‌റൂം ബ്യുറോ
ദോഹ :എഴുപത്തിനാലാം റിപ്പബ്‌ളിക് ദിനം ആഘോഷിക്കുന്ന ഇന്ത്യക്ക് ഖത്തർ അമീർ ശെയ്ഖ് തമീം ബിൻ ഹമദ് അൽതാനി ആശംസകൾ അറിയിച്ചു..രാഷ്ട്രപതി ദ്രൗപതി മുർമുവിന് അയച്ച കേബിൾ സന്ദേശത്തിലാണ് അമീർ രാജ്യത്തിന്റെ ആശംസകൾ അറിയിച്ചത്.ഖത്തറിൽ ഏറ്റവുമധികം പ്രവാസികൾ ജോലി ചെയ്യുന്ന രാജ്യമാണ് ഇന്ത്യ.
അതേസമയം,ഇന്ത്യൻ തലസ്ഥാന നഗരമായ ദില്ലിയിൽ റിപ്പബ്ലിക് ദിന ആഘോഷ പരിപാടികൾ പുരോഗമിക്കുകയാണ്.രാജ്യത്തിന് കരുത്തുറ്റ ഭരണഘടനയും സുസജ്ജമായ സ്വയംഭരണ സംവിധാനവും നിലവില്‍ വന്ന ദിവസം. പൂര്‍ണ സ്വരാജ് സാധ്യമായ ദിവസത്തിന്റെ ആഘോഷങ്ങള്‍ക്കാണ് രാജ്യം ഇന്ന് സാക്ഷ്യം വഹിക്കുന്നത്. രാജ്യ തലസ്ഥാനത്ത് കര്‍ശന സുരക്ഷാ പരിശോധനകളും നടക്കുന്നുണ്ട്.
രാഷ്ട്ര നിര്‍മാണത്തിന് ജീവത്യാഗം ചെയ്തവരെ അനുസ്മരിച്ചുകൊണ്ടാണ് രാഷ്ട്രപതി ദ്രൗപദി മുര്‍മുവിന്റെ ഈവര്‍ഷത്തെ റിപ്പബ്ലിക് ദിന സന്ദേശം. ഇന്ത്യ ഐക്യത്തിന്റെ ഉത്തമ മാതൃകയാണെന്ന് രാഷ്ട്രപതി പറഞ്ഞു. രാജ്യം അതിവേഗം വളരുകയാണെന്നും ദ്രൗപദി മുര്‍മു ചൂണ്ടിക്കാട്ടി.
രാഷ്ട്രപതി ഭവനില്‍ നിന്ന് ഇന്ത്യാ ഗേറ്റിലേക്കുള്ള പ്രൗഢപരേഡാണ് റിപ്പബ്ലിക് ദിനത്തിന്റെ മുഖ്യആകര്‍ഷണം
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
