November 28, 2022
November 28, 2022
ന്യൂസ്‌റൂം ബ്യുറോ
ദോഹ : പ്രശസ്ത നൈജീരിയൻ സംഗീതജ്ഞനും ഗായകനുമായ പാട്രിക്ക് നെമെക്ക ഒകോറിക്ക് ഇത് ധന്യനിമിഷം.ദോഹ രാജ്യാന്തര വിമാനത്താവളത്തിൽ ആരാധകർക്കൊപ്പം പാട്ടുപാടി നൃത്തം ചെയ്യുന്നതിനിടെ ആൾകൂട്ടത്തിൽ നിന്നും പെട്ടെന്നൊരു സ്ത്രീ ചാടി വീണ് തന്നെ ഗാഢമായി ആലിംഗനം ചെയ്തപ്പോൾ പാറ്റോറാങ്കിംഗ് ആദ്യനിമിഷം ഒന്ന് അമ്പരന്നു.കഴിഞ്ഞ അഞ്ചു വർഷമായി പരസ്പരം കാണാതിരുന്ന അമ്മയാണ് തന്റെ ശരീരത്തിലേക്ക് ചാടിക്കയറി ആലിംഗനം ചെയ്തതെന്ന് തിരിച്ചറിഞ്ഞപ്പോൾ ആഹ്‌ളാദത്തിന്റെ നിമിഷങ്ങൾ. പാറ്റോറാങ്കിംഗ് ഇൻസ്റ്റാഗ്രാമിൽ പങ്കുവെച്ച മനോഹരമായ വീഡിയോക്ക് താഴെ നിരവധി ആളുകളാണ് വികാരഭരിതമായ കമന്റുകളുമായി എത്തിയത്.
ലോകകപ്പിൽ സംഗീത പരിപാടികൾ അവതരിപ്പിക്കാനെത്തിയ പാറ്റോറാങ്കിംഗിന് ദോഹ വിമാനത്താവളത്തിൽ രാജകീയ സ്വീകരണമാണ് ലഭിച്ചതെന്ന് നൈജീരിയൻ മാധ്യമങ്ങൾ റിപ്പോർട്ട് ചെയ്തു. തന്റെ നൃത്തസംഘത്തോടൊപ്പമുള്ള സന്തോഷ നിമിഷങ്ങളിൽ ആൾക്കൂട്ടത്തിനിടയിൽ നിന്ന് 'അമ്മ പൊടുന്നനെ ചാടിവീണപ്പോൾ കണ്ണുകളെ വിശ്വസിക്കാൻ കഴിഞ്ഞില്ലെന്ന് അദ്ദേഹം പറഞ്ഞു.
വൈകുന്നേരം 9 മണിക്ക് പാട്രിക്ക് നെമെക്ക ഒകോറി അൽ ബിദ്ദ പാർക്കിൽ സംഗീത പരിപാടിയുമായി എത്തുന്നുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക
