January 15, 2023
January 15, 2023
ന്യൂസ്‌റൂം ബ്യുറോ
ദോഹ :ലയണൽ മെസ്സി ഉൾപ്പെടെയുള്ള ഖത്തർ ലോകകപ്പിലെ ഇതിഹാസ താരങ്ങൾ ഉൾപ്പെടുന്ന പാരീസ് സെന്റ് ജെർമെയ്ൻ(പി.എസ്.ജി) താരങ്ങളെ കാണാൻ ഖത്തറിലെ ഫുട്‍ബോൾ ആരാധകർക്ക് അവസരം. ഖത്തർ വിന്റർ ടൂർ 2023 ന്റെ ഭാഗമായി ദോഹയിലെത്തിയ പാരീസ് സെന്റ് ജെർമെയ്ൻ ഖലീഫ ഇന്റർനാഷണൽ സ്റ്റേഡിയത്തിൽ ജനുവരി 18 ബുധനാഴ്ച വൈകുന്നേരം 6:30 മുതൽ 7:30 വരെ നടത്തുന്ന പരിശീലന സെഷനിലേക്കാണ് പൊതുജനങ്ങൾക്കും പ്രവേശനം അനുവദിക്കുന്നത്. 20 റിയാലാണ് ടിക്കറ്റ് നിരക്ക്
ക്യു ടിക്കറ്റ് പ്ലാറ്റ്‌ഫോമിൽ 15,000-ത്തിലധികം ടിക്കറ്റുകൾ വിൽപനയ്ക്കായി തയാറാണെന്ന് സംഘാടകർ അറിയിച്ചു.ഇതിന് പുറമെ 5,000 അക്കാദമി അംഗങ്ങളെയും കുട്ടികളെയും മാതാപിതാക്കളെയും 300ഓളം മറ്റു പങ്കാളികളെയും പരിപാടിയിലേക്ക് ക്ഷണിച്ചിട്ടുണ്ട്.
പൊതുജനങ്ങൾക്കായി വൈകുന്നേരം 4 മണിക്കും വിഐപികൾക്കും മാധ്യമങ്ങൾക്കുമായി വൈകുന്നേരം 5 മണിക്കും പ്രവേശനം അനുവദിക്കും.
തുടർന്ന് സൗദി അറേബ്യയിലെ റിയാദിലേക്ക് പോകുന്ന താരങ്ങൾ സൗദിയിലെ മുൻനിര ക്ലബ്ബുകളായ അൽ-ഹിലാൽ, അൽ-നാസർ എന്നിവരിൽ നിന്നുള്ള ഓൾ-സ്റ്റാർ ഇലവിനെതിരെ സൗഹൃദ മത്സരം കളിക്കും. ജനുവരി 19 ന് റിയാദിലെ കിംഗ് ഫഹദ് സ്റ്റേഡിയത്തിലാണ് മത്സരം. മത്സരത്തിന് ശേഷം ടീം പാരീസിലേക്ക് മടങ്ങും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക
