May 14, 2020
May 14, 2020
ദോഹ : പ്രവാസികളെ നാട്ടിലെത്തിക്കുന്നതിനുള്ള വന്ദേ ഭാരത് രണ്ടാം ഘട്ടത്തില്‍ ഖത്തറില്‍ നിന്ന് മൂന്നാമതൊരു വിമാനം കൂടി അനുവദിച്ചു. കണ്ണൂരിലേക്കാണ് ഒരു വിമാനം കൂടി പുതുതായി അനുവദിച്ചത്. ഇതോടെ രണ്ടാം ഘട്ടത്തിൽ കേരളത്തിലേക്കുള്ള സർവീസുകളുടെ എണ്ണം മൂന്നായി. എയര്‍ ഇന്ത്യ എക്‌സ്പ്രസ് ഇന്ന് പുറത്തുവിട്ട ഷെഡ്യൂള്‍ പ്രകാരം മേയ് 19ന് കണ്ണൂരിലേക്ക് സർവീസ് ഉണ്ടായിരിക്കും.മേയ് 18ന് കോഴിക്കോട്ടേക്കും മേയ് 21 ന് കൊച്ചിക്കുമാണ് ദോഹയില്‍ നിന്ന് വിമാനമുള്ളത്.
കഴിഞ്ഞ ദിവസം ദോഹ യിലെ ഇന്ത്യന്‍ എംബസിയുടെ ട്വിറ്റര്‍ അക്കൗണ്ടില്‍ പ്രസിദ്ധീകരിച്ച വിമാന ഷെഡ്യൂളില്‍ കേരളത്തിലേക്ക് കൊച്ചി, കോഴിക്കോട് എന്നിവിടങ്ങളിലേക്ക് മാത്രമാണ് സര്‍വീസ് പ്രഖ്യാപിച്ചിരുന്നത്.ഇതിൽ കോഴിക്കോട് വിമാനത്തിലേക്കുള്ള ടിക്കറ്റുകളുടെ വിതരണം ഇതിനോടകം പൂർത്തിയായതായി ഐസിസി പ്രസിഡന്റ് എ.പി മണികണ്ഠൻ അറിയിച്ചു.അതേസമയം കൊച്ചി,കണ്ണൂർ വിമാനങ്ങളിൽ യാത്ര ചെയ്യുന്നവർക്കുള്ള ടിക്കറ്റുകളുടെ വിതരണം ഇതുവരെ തുടങ്ങിയിട്ടില്ലെന്നും അദ്ദേഹം ന്യൂസ്‌റൂമിനോട് പറഞ്ഞു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
