January 20, 2020
January 20, 2020
ദോഹ : രാജ്യത്ത് കടുത്ത തണുപ്പിനും മഞ്ഞിനും കാരണമാകുന്ന അപൂർവ കാലാവസ്ഥാ പ്രതിഭാസമുണ്ടെന്ന തരത്തിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് കാലാവസ്ഥാ വിഭാഗം അറിയിച്ചു. കഴിഞ്ഞയാഴ്ച അനുഭവപ്പെട്ടതിന് സമാനമായ രീതിയിൽ ഈ മാസം 26 മുതൽ തണുത്ത കാലാവസ്ഥ അനുഭവപ്പെടുമെന്നും താപനില കുറയുമെന്നും അറിയിപ്പിൽ പറയുന്നു. അന്തരീക്ഷത്തിലെ താപനില 12 ഡിഗ്രി സെൽഷ്യസ് വരെയായി കുറയുന്നത് ഈ സമയത്ത് അനുഭവപ്പെടാറുള്ള സാധാരണ കാലാവസ്ഥ മാത്രമാണ്. മഞ്ഞുവീഴ്ചയുണ്ടാകാൻ സാധ്യതയില്ലെന്നും കാലാവസ്ഥാ വിഭാഗം അറിയിച്ചു.
കഴിഞ്ഞ ദിവസങ്ങളിൽ സൗദിയുടെ ചിലഭാഗങ്ങളിൽ ശക്തമായ മഞ്ഞുവീഴ്ച അനുഭവപ്പെട്ടിരുന്നു.
