June 17, 2020
June 17, 2020
ദോഹ : ഖത്തറിൽ നിന്ന് കേരളത്തിലേക്ക് വരുന്നവർ കോവിഡ് പരിശോധന നടത്തേണ്ടതില്ലെന്ന് മുഖ്യ മന്ത്രി പിണറായി വിജയൻ അറിയിച്ചു.ഇഹ്തിറാസ് ആപ്പിൽ പച്ച തെളിയുന്നവരെ മാത്രമാണ് ഖത്തറിലെ വിമാനത്താവളത്തിൽ പ്രവേശിപ്പിക്കുന്നതെന്നും അതിനാൽ ഇവർക്ക് പ്രത്യേക പരിശോധന ആവശ്യമില്ലെന്നും ഖത്തറിലെ ഇന്ത്യൻ സ്ഥാനപതി പി.കുമരൻ രേഖാമൂലം അറിയിച്ചിട്ടുണ്ട്. അതുകൊണ്ടു തന്നെ ഖത്തറിൽ നിന്ന് ചാർട്ടേഡ് വിമാനത്തിലോ വന്ദേ ഭാരത് മിഷൻ വഴിയോ കേരളത്തിലേക്ക് വരുന്നവർക്ക് പരിശോധനയുടെ ആവശ്യമില്ലെന്നാണ് സർക്കാരിന്റെ നിലപാടെന്നും മുഖ്യമന്ത്രി വ്യക്തമാക്കി.
അതേസമയം,മറ്റു ഗൾഫ് രാജ്യങ്ങളിൽ നിന്ന് വരുന്നവർക്കെല്ലാം കോവിഡ് പരിശോധന നിർബന്ധമാണ്. സ്‌പൈസ് ജെറ്റ് നേരത്തെ ഇത് ചെയ്തതാണ്. എന്നാൽ മറ്റു വിമാനക്കമ്പനികൾ ഇത് പാലിച്ചില്ലെന്നും മുഖ്യമന്ത്രി പറഞ്ഞു. സാമ്പത്തിക പ്രയാസങ്ങൾ നേരിടുന്നവർക്ക് അതാത് രാജ്യങ്ങളിലെ വിമാനത്താവളങ്ങളിൽ പരിശോധന നടത്താൻ കേന്ദ്ര സർക്കാർ ഇടപെടണമെന്നും മുഖ്യമന്ത്രി ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
