August 31, 2023
August 31, 2023
ദോഹ: ഖത്തര്‍ ഇന്ത്യൻ ഫുട്ബാള്‍ ഫോറം (ഖിഫ്) ഫുട്ബാള്‍ ടൂര്‍ണമെന്റ് 14ാം എഡിഷനായുള്ള ടീം രജിസ്ട്രേഷൻ പുരോഗമിക്കുന്നതായി സംഘാടകര്‍ അറിയിച്ചു.
ഒക്ടോബര്‍ 19ന് ദോഹ സ്റ്റേഡിയത്തില്‍ ആരംഭിക്കുന്ന ടൂര്‍ണമെന്റില്‍ ഖത്തറില്‍ സജീവമായ വിവിധ ജില്ലാ സംഘടനകളുടെ ടീമുകളാണ് മാറ്റുരക്കുന്നത്.പ്രവാസികള്‍ക്കിടയില്‍ ഫുട്ബാള്‍ കൂടുതല്‍ ജനകീയമാക്കുന്നതിന്റെ ഭാഗമായി സ്വന്തമായി ടീമുകളില്ലാത്ത ജില്ലകള്‍ക്ക് സംയുക്തമായി ടീമുകള്‍ രൂപവത്കരിച്ച്‌ രജിസ്റ്റര്‍ ചെയ്ത് മത്സരത്തില്‍ പങ്കെടുക്കാമെന്ന തീരുമാനം ഈ വര്‍ഷം മുതല്‍ നടപ്പില്‍ വരുത്തുന്നുണ്ടെന്നും സംഘാടകര്‍ കൂട്ടിച്ചേര്‍ത്തു.
ഈ സീസണിലെ മത്സരങ്ങള്‍ക്കായുള്ള രജിസ്ട്രേഷൻ സെപ്റ്റംബര്‍ 10നകം പൂര്‍ത്തിയാക്കേണ്ടതാണ്. 2007ല്‍ ആരംഭിച്ച ഖിഫ് ഫുട്ബാള്‍ ടൂര്‍ണമെന്റ് ഖത്തറിലെയും ജി.സി.സിയിലെയും ഏറ്റവും ജനകീയ ടൂര്‍ണമെന്റുകളിലൊന്നാണ്. കോവിഡും തുടര്‍ന്ന് ലോകകപ്പ് ഫുട്ബാളിനുമായുള്ള ചെറിയൊരു ഇടവേളക്കുശേഷം വിപുലമായ ഒരുക്കങ്ങളോടെയാണ് 14ാം സീസണ് തുടക്കം കുറിക്കുന്നത്.ടൂര്‍ണമെൻറ് സംബന്ധമായ വിശദ വിവരങ്ങള്‍ക്ക് ജനറല്‍ സെക്രട്ടറി ഷമീനെ 55252219 നമ്പറിൽ ബന്ധപ്പെടാം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
