October 16, 2023
October 16, 2023
ദോഹ: യൂത്ത്‌ഫോറം സംഘടിപ്പിച്ച എക്‌സ്പാര്‍ട്ടില്‍ 96 പോയിന്റുമായി റിമംബറന്‍സ് തിയറ്റര്‍ ഓവറോള്‍ ചാമ്പ്യന്‍മാരായി. ചായപ്പീട്യ ഖത്തര്‍ 66 പോയിന്റുമായി രണ്ടാം സ്ഥാനവും അല്‍ ജാമിഅ ശാന്തപുരം അലൂംനി 56 പോയിന്റുമായി മൂന്നാംസ്ഥാനവും സ്വന്തമാക്കി. ഫ്രണ്ട്‌സ് ഓഫ് സിറ്റി എക്‌സ്‌ചേഞ്ചിന്റെ ഷാനിബ്. എം. ഷംസുദ്ദീനെ മേളയുടെ താരമായും അല ഖത്തറിനെ മികച്ച ടീമായും തെരഞ്ഞെടുത്തു.
സമാപന ചടങ്ങില്‍ സെന്റര്‍ ഫോര്‍ ഇന്ത്യന്‍ കമ്യൂണിറ്റി പ്രസിഡന്റ് ടി.കെ. ഖാസിം, യൂത്ത്‌ഫോറം പ്രസിഡന്റ് എസ്.എസ് മുസ്തഫ, വൈസ് പ്രസിഡന്റുമാരായ അസ്ലം തൗഫീഖ്, അസ്ലം ഈരാറ്റുപേട്ട, എക്‌സ്‌പേര്‍ട്ട് കമ്മിറ്റി വൈസ് ചെയര്‍മാന്‍ സല്‍മാന്‍ ആല്‍ പറമ്പില്‍, ജനറല്‍ കണ്‍വീനര്‍ ജസീം സി കെ എന്നിവര്‍ വിജയികള്‍ക്കുള്ള സമ്മാനങ്ങള്‍ വിതരണം ചെയ്തു. രചനാ മത്സരങ്ങളുടേയും കലാപരിപാടികളുടേയും മത്സരമാണ് നടന്നത്. സംവിധായകന്‍ അമീന്‍ അസ്ലം, സിനിമാതാരം പ്രശാന്ത് വര്‍മ തുടങ്ങിയ പ്രമുഖരായിരുന്നു വിധികര്‍ത്താക്കള്‍.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
