March 09, 2024
March 09, 2024
ദോഹ: ലോക വനിതാ ദിനത്തിൽ വേൾഡ് മലയാളി കൗൺസിൽ ഖത്തർ വിമൻസ് ഫോറം സംഘടിപ്പിച്ച ദോഹയിൽ വനിതാ സമ്മേളനം സംഘടിപ്പിച്ചു.തുമാമയിലെ ഐസിബിഎഫ് കാഞ്ചാണി ഹാളിൽ നടന്ന പരിപാടിയിൽ പ്രശസ്ത സിനിമാ-സീരിയൽ നടി മല്ലികാ സുകമാരൻ മുഖ്യാതിഥി ആയിരുന്നു.
സ്ത്രീ ശാക്തീകരണത്തിൻറെ പ്രാധാന്യം ഓർമിപ്പിച്ച മല്ലികാ സുകുമാരൻ തന്റെ സ്വതസിദ്ധമായ നർമ്മം കലർന്ന പ്രഭാഷണത്തിലൂടെ സദസ്സുമായി ആശയവിനിമയം നടത്തി. കുട്ടികളെ നേരായ മാർഗ്ഗത്തിലൂടെ നയിക്കാൻ അമ്മമാർ ശ്രദ്ധിക്കണമെന്നും വിദ്യാഭ്യാസവും മനസ്സാന്നിദ്ധ്യവും ജീവിത വിജയത്തിന് ഒഴിച്ചുകൂടാനാവാത്തതാണെന്നും അവർ അവർ പറഞ്ഞു.
വേൾഡ് മലയാളി കൗൺസിൽ ഖത്തർ ജന. സെക്രട്ടറി കാജൽ സ്വാഗതം ആശംസിച്ച പരിപാടിയിൽ ചെയർമാൻ വിഎസ് നാരായണൻ, പ്രസിഡണ്ട് സുരേഷ് കരിയാട് എന്നിവർ സംസാരിച്ചു.ആർ.ജെ ഫെമിന അവതാരകയായിരുന്നു.
ഷാനവാസ് ബാവ (പ്രസിഡണ്ട് (ഐസിബിഎഫ്),ഇപി അബ്ദുറഹ്മാൻ (പ്രസിഡണ്ട് ഐഎസ്സ്സി),ദീപക് ഷെട്ടി (വൈസ് പ്രസിഡണ്ട് ഐസിബിഎഫ്), ജയപാൽ (ട്രാക്) എന്നിവർ ആശംസകൾ നേർന്നു.
വേൾഡ് മലയാളി കൗൺസിൽ ഖത്തർ വിമൻസ് ഫോറം പ്രസിഡണ്ട് ഡോ. ഷീല ഫിലിപ്പോസ് മല്ലികാ സുകുമാരനെ പൊന്നാs അണിയിച്ചു.ജന. സെക്രട്ടറി സിമി ഷമീർ, വൈസ് പ്രസിഡണ്ട് പ്രേമ ശരത്ത്, ഫോറം കൺവീനർമാരായ ചരിഷ്മ,മിനി,ട്രഷറർ സുനിത, സെക്രട്ടറി ഷൈനി കബീർ, സിനി ചന്ദ്ര തുടങ്ങിയ വിമൻസ് ഫോറം ഭാരവാഹികൾ ചടങ്ങിൽ സന്നിഹിതരായിരുന്നു.മല്ലിക സുകുമാരന് വേൾഡ് മലയാളി കൗൺസിൽ ഖത്തറിന്റെ സ്നേഹോപഹാരം കാജൽ സമ്മാനിച്ചു.
വിഎസ് നാരായണൻ വേൾഡ് മലയാളി കൗൺസിലിൻറെ മെമെൻറ്റൊ മല്ലിക സുകുമാരന് കൈമാറി. പ്രസിഡണ്ട് സുരേഷ് കരിയാട്, ജന. സെക്രട്ടറി കാജൽ, വൈസ് ചെയർമാൻ,സിയാദ് ഉസ്മാൻ, വൈസ് പ്രസിഡണ്ട്വർഗീസ്, സെക്രട്ടറി ലിജി, സെനിത്ത്, ഫോറം കൺവീനർമാരായ രഞ്ജിത്ത്, വിനോദ്, യൂത്ത് ഫോറം പ്രസിഡണ്ട് ഫാസിൽ, ജന. സെക്രട്ടറി വിപിൻ പുത്തൂർ എന്നിവർ പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F