February 27, 2024
February 27, 2024
ദോഹ: ഖത്തറിൽ വെബ് സമ്മിറ്റിന് ദോഹ എക്സിബിഷൻ ആൻഡ് കൺവെൻഷൻ സെന്ററിൽ (ഡി.ഇ.സി.സി) ഇന്നലെ (തിങ്കളാഴ്ച) തുടക്കമായി. ഇന്നലെ രാത്രി പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ അൽ താനി സമ്മിറ്റിന്റെ ഉദ്ഘാടനം നിർവഹിച്ചു. 80 രാജ്യങ്ങളിൽ നിന്നായി 500ഓളം നിക്ഷേപകർ, 200 പ്രഭാഷകർ, 1000 സ്റ്റാർട്ടപ്പുകൾ എന്നിവർ ഉൾപ്പെടെ 12,000ത്തോളം പ്രതിനിധികളാണ് പങ്കെടുക്കുന്നത്.
ഖത്തർ അമീർ ശൈഖ് തമീം ബിൻ ഹമദ് അൽ താനി വെബ് സമ്മിറ്റ് ഇന്നലെ സന്ദർശിച്ചു. പ്രധാനമന്ത്രി ശൈഖ് മുഹമ്മദ് ബിൻ അബ്ദുൽറഹ്മാൻ അൽ താനി, കൊസോവോ പ്രസിഡന്റ് വോസോ ഉസ്മാനി ഉൾപ്പെടെയുള്ളവർ അമീറിനൊപ്പം ഉണ്ടായിരുന്നു. വിവിധ പവിലിയനുകൾ സന്ദർശിച്ച അമീർ, കമ്പനി പ്രതിനിധികളുമായും ആശയവിനിമയം നടത്തി.
വ്യാഴാഴ്ച (ഫെബ്രുവരി 29) വരെ നീണ്ടുനിൽക്കുന്ന സമ്മിറ്റിൽ വിവിധ രാജ്യങ്ങളിൽ നിന്നുള്ള മന്ത്രിമാർ, സർക്കാർ പ്രതിനിധികൾ എന്നിവർക്കൊപ്പം വിവിധ വിഷയങ്ങളിലെ വിദഗ്ധരും പങ്കെടുക്കും. എ.ഐ ആൻഡ് മെഷീൻ ലേണിങ്, പരസ്യം-കണ്ടന്റ്-മാർക്കറ്റിങ്, ഇ-കോമേഴ്സ്-റീട്ടെയിൽ, ഹെൽത്ത് ആൻഡ് വെൽനെസ്, സ്പോർട്സ് ആൻഡ് ഫിറ്റ്നസ് തുടങ്ങിയ വിഷയങ്ങളിൽ പാനൽ ചർച്ചകളും പ്രഭാഷണങ്ങളും സംഘടിപ്പിക്കും.
80 രാജ്യങ്ങളിൽ നിന്നുള്ള ആയിരത്തിലധികം സ്റ്റാർട്ടപ്പുകളാണ് സമ്മിറ്റിലുള്ളത്. വെബ് സമ്മിറ്റിൽ പങ്കെടുക്കുന്ന സ്റ്റാർട്ടപ്പുകളിൽ ഏകദേശം മൂന്നിലൊന്നും സ്ത്രീകളാണ്. ആഫ്രിക്കയിൽനിന്നും 200 പേർ വെബ് സമ്മിറ്റിനായി ഖത്തറിലെത്തും. വിവിധ രാജ്യങ്ങളിലെ നിക്ഷേപകർക്ക് സ്റ്റാർട്ടപ്പുകളുമായി കൂടിക്കാഴ്ച നടത്താനും അവസരമുണ്ട്. മൈക്രോസോഫ്റ്റ്, സ്നാപ്പ്, ഖത്തർ ഇൻവെസ്റ്റ്മെന്റ് അതോറിറ്റി, ഡെലോയിറ്റ് തുടങ്ങിയ കമ്പനികളും സമ്മിറ്റിലുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F