March 23, 2024
March 23, 2024
ദോഹ: റഷ്യന്‍ പിടിയിലായിരുന്ന കൂടുതൽ യുക്രൈന്‍ കുട്ടികളെ കൂടി ഖത്തറിന്റെ മധ്യസ്ഥതയില്‍ മോചിപ്പിച്ചു. യുക്രൈയ്നിൽ നിന്ന് റഷ്യൻ കുട്ടികൾക്ക് സുരക്ഷിതമായി യുക്രൈയ്നിലേക്ക് പോകുന്നതിന് മോസ്കോയിലെ ഖത്തർ എംബസി സൗകര്യമൊരുക്കിയിട്ടുണ്ടെന്നും, ഖത്തറിൻ്റെ മറ്റ് പ്രതിനിധികൾ യുക്രൈൻ കുട്ടികളെ ബെലാറസ് വഴി റഷ്യയിലേക്കും എത്തിക്കാൻ സൗകര്യമൊരുക്കിയിട്ടുണ്ടെന്നും ഖത്തർ വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രി ലുൽവ ബിൻത് റാഷിദ് അൽ ഖാതർ ഖത്തർ വാർത്ത ഏജൻസിയോട് പറഞ്ഞു.
മധ്യസ്ഥ ശ്രമങ്ങൾ വിജയകരമാക്കാൻ സഹായിച്ചതിന് റഷ്യൻ ഫെഡറേഷൻ പ്രസിഡൻ്റ് മരിയ എൽവോവ-ബെലോവ, യുക്രെയ്‌നിയൻ പാർലമെൻ്റ് മനുഷ്യാവകാശ കമ്മീഷണർ ഡിമിട്രോ ലുബിനറ്റ്‌സ് എന്നിവരോടും ലുൽവ ഖത്തറിൻ്റെ നന്ദിയും അഭിനന്ദനവും അറിയിച്ചു. റഷ്യൻ-യുക്രൈന്‍ സംഘർഷം മൂലം വേർപിരിഞ്ഞ കുടുംബങ്ങളെ ഒന്നിപ്പിക്കുന്നതിന് ഖത്തർ നടത്തുന്ന മധ്യസ്ഥ ശ്രമങ്ങളുടെയും ഏകോപന ശ്രമങ്ങളുടെയും ഭാഗമായാണ് ഈ പദ്ധതി.
അതേസമയം, ഖത്തറിന്റെ മധ്യസ്ഥതയില്‍ ഡിസംബർ 6നും റഷ്യന്‍ പിടിയിലായിരുന്ന 6 യുക്രൈന്‍ കുട്ടികളെ മോചിപ്പിച്ചിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
