December 26, 2023
December 26, 2023
അബുദാബി: ഇസ്രായേൽ ആക്രമണം തുടരുന്ന ഗസ മുനമ്പിൽ നിന്ന് ചികിത്സയ്ക്കായി യു.എ.ഇയിലെത്തിച്ച രണ്ട് പേർ കൂടി മരണപ്പെട്ടതായി യു.എ.ഇ ആരോഗ്യ മന്ത്രാലയം (MoH) അറിയിച്ചു. കാൻസർ ബാധിച്ച് ചികിത്സയിലായിരുന്ന 58ഉം 63ഉം പ്രായമുള്ള രണ്ട് ഫലസ്തീനികളാണ് മരിച്ചത്. മരണത്തിൽ യു.എ.ഇ ആരോഗ്യ മന്ത്രാലയം അനുശോചനം രേഖപ്പെടുത്തി. മരണപ്പെട്ടവരുടെ കുടുംബത്തിന് മന്ത്രാലയം അനുശോചനം അറിയിച്ചു.
ഒന്നിലധികം ആരോഗ്യപ്രശ്നങ്ങളോടെ യു.എ.ഇയിലെത്തിയ ഇവരെ ചികിത്സയ്ക്കായി പ്രത്യേക മെഡിക്കൽ സെന്ററിലേക്ക് മാറ്റിയിരുന്നു. എന്നാൽ, ആവശ്യമായ ആരോഗ്യ പരിചരണം ലഭിച്ചിട്ടും ഇവരുടെ അവസ്ഥ ക്രമേണ വഷളാവുകയായിരുന്നു. രാജ്യത്ത് എത്തുന്ന എല്ലാ രോഗികൾക്കും പരിക്കേറ്റ വ്യക്തികൾക്കും ഉയർന്ന തലത്തിലുള്ള ആരോഗ്യ പരിപാലന സേവനങ്ങൾ തന്നെയാണ് നൽകുന്നതെന്ന് ആരോഗ്യ മന്ത്രാലയം ആവർത്തിച്ചു.
അതേസമയം, ഗസയിൽ നിന്ന് ചികിത്സയ്ക്കായി യു.എ.ഇയിലെത്തിച്ച 58 വയസ്സുകാരനും ഡിസംബർ 24ന് മരണപ്പെട്ടതായി ആരോഗ്യ മന്ത്രാലയം (MoH) അറിയിച്ചിരുന്നു. ഒന്നിലധികം ആരോഗ്യപ്രശ്നങ്ങളോടെ യു.എ.ഇയിലെത്തിയ ഇദ്ദേഹത്തെ ചികിത്സയ്ക്കായി പ്രത്യേക മെഡിക്കൽ സെന്ററിലേക്ക് മാറ്റിയിരുന്നു. എന്നാൽ, ആവശ്യമായ ആരോഗ്യ പരിചരണം ലഭിച്ചിട്ടും അദ്ദേഹത്തിന്റെ അവസ്ഥ ക്രമേണ വഷളാവുകയായിരുന്നു. തുടർന്ന് ഹൃദയാഘാതത്തെ തുടർന്നാണ് മരണം സംഭവിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F