August 30, 2023
August 30, 2023
ദോഹ: ഖത്തറിലെ എംഇഎസ് ഇന്ത്യൻ സ്കൂൾ വിദ്യാർത്ഥി ഇന്ത്യ ബുക്ക് ഓഫ് റെക്കോർഡ്സിൽ ഇടം പിടിച്ചു. ചെന്നൈ (തമിഴ്നാട്) സ്വദേശി വേദാന്ത് സുരേഷാണ് (13 വയസ്സ്) ഇന്ത്യ ബുക്ക് ഓഫ് റെക്കോർഡ്സിൽ ഇടം നേടിയത്. കൗമാരക്കാരുടെ വിഭാഗത്തിൽ, ഒരു കൈ കൊണ്ട് എറ്റവും വേഗതയിൽ പിരമിഡ് റൂബിക്സ് ക്യൂബ് പരിഹരിച്ചതിന്റെ റെക്കോർഡിനാണ് പുരസ്‌കാരം നേടിയത്.
എംഇഎസ് സ്കൂളിലെ അധ്യാപികയുടെ മകുനാണ് വേദാന്ത്. 33 സെക്കന്റുകൾക്കുള്ളിൽ വലതു കൈ മാത്രം ഉപയോഗിച്ചാണ്‌ ടെട്രാഹെഡ്രോൺ ആകൃതിയിലുള്ള റൂബിക്സ് ക്യൂബ് വേദാന്ത് പരിഹരിച്ചത് . 2023 ജൂലൈ 28നാണ് ഈ എട്ടാം ക്ലാസ്സുകാരൻ ഇന്ത്യൻ ബുക്ക് ഓഫ് റെക്കോർഡ്സിൽ റെക്കോർഡ് സ്ഥാപിച്ചത്.
അതേസമയം, വേദാന്തിന്റെ വിജയത്തിൽ അഭിമാനമുണ്ടെന്നും, ഭാവിയിൽ കൂടുതൽ റെക്കോർഡുകൾ സ്ഥാപിക്കാൻ ആശംസകൾ നേരുന്നുവെന്നും എംഇഎസ് സ്കൂൾ അധികൃതർ പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
