March 21, 2024
March 21, 2024
ദോഹ: ഖത്തറിൽ ‘ഗോള്‍ഡന്‍ സ്പൈഡര് സില്‍ക്ക്’ പ്രദര്‍ശനം ആരംഭിച്ചു. ഇസ്‌ലാമിക് ആര്‍ട്ട് മ്യൂസിയത്തിലെ നാലാം നിലയിലുള്ള താത്ക്കാലിക എക്‌സിബിഷന്‍ ഗാലറിയിലാണ് പ്രദർശനം. ജൂലൈ 6 വരെ പ്രദർശനം തുടരും.
സ്പൈഡര് സില്‍ക്ക് സൃഷ്ടാക്കളായ സൈമണ്‍ പിയേഴ്സിന്റെയും നിക്കോളാസ് ഗോഡ്ലിയുടെയും സൃഷ്ടികളാണ് ഇവിടെയുള്ളത്. 2004ലാണ് സ്പൈഡര് സില്‍ക്ക് ഉപയോഗിച്ച് തുണിത്തരങ്ങള്‍ നിര്‍മ്മിക്കുന്നതിനുള്ള പദ്ധതിയില്‍ ഇരുവരും ചേര്‍ന്നത്. പ്രദർശനത്തിൽ ചരിത്രപരമായ കൈയെഴുത്തുപ്രതികളും പ്രക്രിയയെ രേഖപ്പെടുത്തുന്ന ഫോളിയോകളും ചേര്‍ന്ന് പൂര്‍ത്തിയാക്കിയ നാല് തുണിത്തരങ്ങളും ഒരുമിച്ച് പ്രദര്‍ശിപ്പിക്കും. ഗംഭീരമായ എംബ്രോയ്ഡറി ചെയ്ത കേപ്പ്, ബ്രോക്കേഡ് നെയ്ത്ത് ലാംബ (ലാംബ അക്കോട്ടിഫഹാന), ഷീര്‍ ടഫെറ്റ, സാറ്റിന്‍ വീവ് ഷാള്‍ എന്നിവയും ഉണ്ടായിരിക്കും. ഇത് ആദ്യമായാണ് മിഡില്‍ ഈസ്റ്റില്‍ പ്രദര്‍ശിപ്പിക്കുന്നത്. ഗോള്‍ഡന്‍ സ്പൈഡര് സില്‍ക്കിന്റെ ചരിത്രം ചര്‍ച്ച ചെയ്യുന്ന സൈമണ്‍ പിയേഴ്‌സിന്റെ 15 മിനിറ്റ് ദൈര്‍ഘ്യമുള്ള വീഡിയോയും പ്രദര്‍ശനത്തിലുണ്ടാകും.
ഇവരുടെ പല സൃഷ്ടികളും വര്‍ഷങ്ങളായി പൊതു, സ്വകാര്യ ശേഖരങ്ങളില്‍ പ്രദര്‍ശിപ്പിച്ചിട്ടുണ്ട്: ബ്രിട്ടീഷ് മ്യൂസിയം ലണ്ടന്‍, മെട്രോപൊളിറ്റന്‍ മ്യൂസിയം ന്യൂയോര്‍ക്ക്, ആര്‍ട്ട് ഇന്‍സ്റ്റിറ്റ്യൂട്ട് ചിക്കാഗോ, അമേരിക്കന്‍ മ്യൂസിയം ഓഫ് നാച്ചുറല്‍ ഹിസ്റ്ററി ന്യൂയോര്‍ക്ക്, ക്ലീവ്ലാന്‍ഡ് മ്യൂസിയം ഓഫ് ആര്‍ട്ട് ഒഹായോ, ഫൗളര്‍ മ്യൂസിയം യൂണിവേഴ്‌സിറ്റി ഓഫ് കാലിഫോര്‍ണിയ ലോസ് ഏഞ്ചല്‍സ്, ഫീല്‍ഡ് മ്യൂസിയം ചിക്കാഗോ, നാഷണല്‍ മ്യൂസിയം ഓഫ് ആഫ്രിക്കന്‍ ആര്‍ട്ട് സ്മിത്സോണിയന്‍, വാഷിംഗ്ടണ്‍ ഡിസി, എത്നോഗ്രഫി മ്യൂസിയം ഒസാക്ക ജപ്പാന്‍ തുടങ്ങിയവയിലെല്ലാം പ്രദര്‍ശനങ്ങള്‍ നടന്നിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
