October 11, 2023
October 11, 2023
ദോഹ :ഖത്തറിലെ മുതിർന്ന മാധ്യമപ്രവർത്തകനും കേരളശബ്ദം റിപ്പോർട്ടറുമായിരുന്ന ഐ.എം.എ റഫീഖ്(64) നിര്യാതനായി. ഖത്തര് ഇന്ത്യന് മീഡിയ ഫോറം ഭാരവാഹിയായും ഖത്തറിലെ കേരള ശബ്ദത്തിന്റെ റിപ്പോര്ട്ടറായും ഖത്തറിലെ സാമൂഹ്യ,സാംസ്കാരിക രംഗങ്ങളിൽ നിറസാന്നിധ്യവുമായിരുന്നു. ദീർഘകാലമായി ഖത്തറിൽ സ്വകാര്യ കമ്പനിയിൽ ജീവനക്കാരനായിരുന്നു.
വടക്കേകാട് മണികണ്ഠേശ്വരം വീട്ടിലയിൽ പരേതരായ കുഞ്ഞിബാവ, ഖദീജ ദമ്പതികളുടെ മകനാണ്. രഹനയാണ് ഭാര്യ. മക്കൾ: റിയ, റഈസ്, ഫൈസൽ. മരുമക്കൾ: ദാർവിഷ് , സഫ്ന (പൊന്നാനി). സഹോദരങ്ങൾ: ഐ.എം.എ ജലീൽ, ഐ.എം.എ അബ്ദുല്ല (ഖത്തർ), ഐ.എം.എ ബഷീർ.
ഖബറടക്കം വ്യാഴാഴ്ച നടക്കും. നേരത്തെ കുവൈത്തിൽ പ്രവാസിയായിരുന്ന ഐ.എം.എ റഫീഖ് 2006ലാണ് ഖത്തറിലെത്തുന്നത്.നാട്ടിൽ കോൺഗ്രസിൻെറ സജീവ പ്രവർത്തകനായിരുന്ന ഇദ്ദേഹം, മുതിർന്ന നേതാക്കളുമായി അടുത്ത ബന്ധം നിലനിർത്തിയിരുന്നു. നിര്യാണത്തിൽ ഇന്ത്യൻ മീഡിയ ഫോറം ഖത്തർ അനുശോചിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV