March 13, 2024
March 13, 2024
ദോഹ: ഖത്തറിലെ തെരുവുകളില്‍ ഭിക്ഷാടനം പോലുള്ള സംഭവങ്ങള്‍ ശ്രദ്ധയിൽ പെട്ടാൽ റിപ്പോര്‍ട്ട് ചെയ്യണമെന്ന് ആഭ്യന്തര മന്ത്രാലയം. ഭിക്ഷാടനം നിയമവിരുദ്ധമാണെന്നും, മതവും സമൂഹവും നിരസിച്ച മോശം ശീലമാണെന്നും മന്ത്രാലയം വ്യക്തമാക്കി.
ഭിക്ഷാടനം അപരിഷ്‌കൃത സ്വഭാവമാണെന്നും ഭിക്ഷാടന സംഭവങ്ങള്‍ റിപ്പോര്‍ട്ട് ചെയ്തുകൊണ്ട് ഞങ്ങളെ സഹായിക്കൂ എന്നും ആഭ്യന്തര മന്ത്രാലയം സാമൂഹ്യ മാധ്യമ അക്കൗണ്ടുകളിലൂടെ പറഞ്ഞു.
ഭിക്ഷാടനം റിപ്പോര്‍ട്ട് ചെയ്യാന്‍ മെട്രാഷ് 2 ആപ്പിലോ ഭിക്ഷാടന വിരുദ്ധ വിഭാഗത്തിന്റെ 2347444, 33618627 എന്നീ നമ്പറുകളിലോ ബന്ധപ്പെടാം.
റമദാനില്‍ ഭിക്ഷാടനം കൂടുതല്‍ വ്യാപകമാകുമെന്നും സമൂഹത്തിലെ ഏറ്റവും അര്‍ഹതയുള്ള മേഖലകളില്‍ അവ വിതരണം ചെയ്യാന്‍ അനുവാദമുള്ള അംഗീകൃത ചാരിറ്റബിള്‍ ഓര്‍ഗനൈസേഷനുകള്‍ മുഖേന മാത്രമേ ഏതെങ്കിലും തരത്തിലുള്ള സക്കാത്തോ സംഭാവനയോ നല്‍കാവൂ എന്നും മന്ത്രാലയം പൊതുജനങ്ങളെ ഓർമിപ്പിച്ചു.
വിശുദ്ധ മാസത്തില്‍ ഉടനീളം ക്രിമിനല്‍ ഇന്‍വെസ്റ്റിഗേഷന്‍ ഡിപ്പാര്‍ട്ട്മെന്റിന്റെ ഭിക്ഷാടന വിരുദ്ധ വിഭാഗം യാചകരെ പിടികൂടാന്‍ പരിശോധന നടത്തുമെന്നും അധികൃതർ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
