March 11, 2024
March 11, 2024
ദോഹ : വിശുദ്ധ റമദാനില്‍ ഖത്തര്‍ മലയാളികള്‍ക്കായി റേഡിയോ മലയാളവുമായി സഹകരിച്ച് ഫോട്ടോഗ്രഫി, റീല്‍സ് മത്സരങ്ങള്‍ സംഘടിപ്പിക്കുമെന്ന് തനിമ ഖത്തര്‍ ഭാരവാഹികള്‍ അറിയിച്ചു. 'റമദാന്‍ ക്ലിക്‌സ്' എന്ന പേരില്‍ നടക്കുന്ന ഫോട്ടോഗ്രഫി മത്സരത്തില്‍ പങ്കെടുക്കാന്‍ തനിമ ഖത്തര്‍ ഫേസ്ബുക്ക് പേജ് ലൈക്, ഫോളോ ചെയ്ത ശേഷം കമന്റ് ബോക്‌സിലാണ് ഫോട്ടോകള്‍ പോസ്റ്റ് ചെയ്യേണ്ടത്.
'ഫീല്‍സ് ന് റീല്‍സ്' എന്ന തലക്കെട്ടില്‍ നടക്കുന്ന റീല്‍സ് മത്സരത്തിന് പരമാവധി 30 സെക്കന്റ് ദൈര്‍ഘ്യമുള്ള എന്‍ട്രികള്‍ തനിമ ഇന്‍സ്റ്റഗ്രാം പേജിലാണ് സമര്‍പ്പിക്കേണ്ടത്. ഫേസ്ബുക്, ഇന്‍സ്റ്റഗ്രാം പേജുകളില്‍ ലഭിക്കുന്ന ലൈകും ഷെയറും വിധിനിര്‍ണയത്തില്‍ പരിഗണിക്കും. റമദാനുമായി ബന്ധമുള്ളതും നന്മകള്‍ക്ക് പ്രോത്സാഹനമാകുന്നതുമായ ഫോട്ടോകളും റീല്‍സുമാണ് മത്സരത്തിനായി പരിഗണിക്കുക.
ഖത്തറില്‍ സ്ഥിര താമസക്കാരായ മലയാളികള്‍ക്ക് പ്രായഭേദമന്യേ മത്സരങ്ങളില്‍ പങ്കെടുക്കാം. മാര്‍ച്ച് 20 ന് മുമ്പ് എന്‍ട്രികള്‍ സമര്‍പ്പിച്ചിരിക്കണം. കൂടുതല്‍ വിവരങ്ങള്‍ക്കും മത്സര നിബന്ധനകള്‍ക്കും തനിമ ഖത്തര്‍ ഫേസ്ബുക്ക്, ഇന്‍സ്റ്റ പേജുകള്‍ സന്ദര്‍ശിക്കാവുന്നതാണെന്ന് ജനറല്‍ സെക്രട്ടറി അറിയിച്ചു.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്‌സ്ആപ്പ് ചാനലില്‍ ജോയിന്‍ ചെയ്യുക - https://whatsapp.com/channel/0029Va9k1sH3rZZiZHLfLm0F
