February 19, 2024
February 19, 2024
ദോഹ: ഖത്തർ നാഷണൽ ഫുട്ബോൾ ടീമിന്റേയും അമീർ കപ്പിന്റേയും പ്രധാന സ്പോൺസറായി ഖത്തർ ഇൻ്റർനാഷണൽ ഇസ്ലാമിക് ബാങ്ക് (ക്യു.ഐ.ഐ.ബി) കരാറിൽ ഒപ്പുവെച്ചു. 2024 ഫെബ്രുവരി മുതൽ മൂന്ന് വർഷത്തെ കരാറിലാണ് ഖത്തർ ഫുട്ബോൾ അസോസിയേഷനും (ക്യുഎഫ്എ) ക്യുഐഐബിയും ഒപ്പുവെച്ചത്.
ക്യുഐഐബിയുടെ ഡയറക്ടർ ബോർഡ് ചെയർമാൻ ഷെയ്ഖ് ഡോ. ഖാലിദ് ബിൻ താനി ബിൻ അബ്ദുല്ല അൽതാനിയും ക്യുഎഫ്എ പ്രസിഡൻ്റ് ജാസിം ബിൻ റാഷിദ് അൽ ബുവൈനൈനുമാണ് സ്പോൺസർഷിപ്പ് കരാറിൽ ഇന്നലെ (ഞായർ) ഒപ്പുവെച്ചത്. ക്യുഐഐബി സിഇഒ ഡോ. അബ്ദുൾ ബാസിത് അഹമ്മദ് അൽ ഷൈബെയും ബാങ്കിലേയും ക്യുഎഫ്എയിലേയും മറ്റ് മുതിർന്ന ഉദ്യോഗസ്ഥരും ചടങ്ങിൽ പങ്കെടുത്തു.
'തുടർച്ചയായ രണ്ടാം തവണയും എഎഫ്‌സി ഏഷ്യൻ കപ്പ് നേടിയ അന്നാബിയുടെ മികച്ച നേട്ടത്തിന് അഭിനന്ദിക്കാൻ ഞങ്ങൾ ഈ അവസരം പ്രയോജനപ്പെടുത്തുന്നു. ഈ നേട്ടം ഞങ്ങളെ എല്ലാവരേയും സന്തോഷിപ്പിച്ചു. നമ്മളെല്ലാവരും അഭിമാനിക്കുന്നു,' ഷെയ്ഖ് ഡോ. ഖാലിദ് ബിൻ താനി ബിൻ അബ്ദുല്ല അൽതാനി പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
