April 01, 2024
April 01, 2024
ദോഹ: ഖത്തറും യു.എ.ഇയും തമ്മിലുള്ള ഫുട്ബോൾ ഇവൻ്റായ ഖത്തർ-യുഎഇ സൂപ്പർ കപ്പ് മത്സരത്തിന് ഏപ്രിൽ 12ന് കിക്ക്‌ ഓഫ്. ഏപ്രിൽ 12,13 ദിവസങ്ങളിൽ ദോഹയിലെ അൽ തുമാമ സ്റ്റേഡിയത്തിലാണ് മത്സരങ്ങൾ നടക്കുക.
ഖത്തറിന്റെ അമീര്‍ കപ്പ് ചാമ്പ്യന്‍മാരായ അല്‍ അറബി ക്ലബ് യുഎഇയുടെ പ്രസിഡന്റ് കപ്പ് ജേതാവായ ഷാര്‍ജ എഫ്സിയെ ആദ്യ മാച്ചിൽ (ഏപ്രിൽ 12) നേരിടും. 2024 ഏപ്രില്‍ 13 ന്, ഖത്തറിന്റെ അല്‍ ദുഹൈല്‍ ക്ലബ് യുഎഇയുടെ ഷബാബ് അല്‍ അഹ്ലിക്കെതിരെ മത്സരിക്കും.
മത്സരത്തിനുള്ള ടിക്കറ്റുകൾ ഹയ പ്ലാറ്റ്‌ഫോം വഴി സ്വന്തമാക്കാം. 10 ഖത്തർ റിയാൽ മുതൽ 100 ഖത്തർ റിയാൽ വരെയാണ് ടിക്കറ്റ് നിരക്ക്. മത്സര ദിവസം സ്റ്റേഡിയം ഗേറ്റുകൾ വൈകിട്ട് 4:30ന് തുറക്കുമെന്നും അൽ തുമാമ ഫെസിലിറ്റി ഡയറക്ടർ അഹമ്മദ് അൽ ഒബൈദ്‌ലി വാർത്താസമ്മേളനത്തിൽ പറഞ്ഞു. മത്സരം ഉചിതമായ രീതിയിൽ സംഘടിപ്പിക്കുന്നതിന് സുരക്ഷാ ടീമുകളുമായും ഉത്തരവാദിത്തപ്പെട്ട എല്ലാ അധികാരികളുമായും സഹകരണം നടത്തിയിട്ടുണ്ടെന്നും അദ്ദേഹം കൂട്ടിച്ചേർത്തു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
