February 03, 2024
February 03, 2024
ദോഹ: ഖത്തറിൽ 'മാച്ച് ഫോർ ഹോപ്പ്' പദ്ധതിയുടെ ഭാഗമായി ചാരിറ്റി ഫുട്ബോൾ മത്സരം സംഘടിപ്പിക്കുന്നു. ഫെബ്രുവരി 23 ന് അഹമ്മദ് ബിൻ അലി സ്റ്റേഡിയത്തിലാണ് ഉദ്ഘാടന മത്സരം. സോഷ്യൽ മീഡിയ സെൻസേഷനുകളായ ചങ്ക്‌സും അബോഫ്ലയുമാണ് മത്സരത്തിൽ പങ്കെടുക്കുന്നത്.
എജ്യുക്കേഷൻ എബോവ് ഓൾ (ഇഎഎ) ഫൗണ്ടേഷനു വേണ്ടിയാണ് മാച്ച് ഫോർ ഹോപ്പ് മത്സരം സംഘടിപ്പിക്കുന്നത്. മത്സരത്തിൽ നിന്നുള്ള എല്ലാ വരുമാനവും മാലി, റുവാണ്ട, ടാൻസാനിയ, പാകിസ്ഥാൻ, ഫലസ്തീൻ, സുഡാൻ എന്നിവിടങ്ങളിലെ ഇഎഎ പ്രോജക്റ്റുകൾക്ക് സംഭാവന ചെയ്യും.
ഖത്തറിൻ്റെ ഇൻ്റർനാഷണൽ മീഡിയ ഓഫീസിന് (ഐഎംഒ) കീഴിലുള്ള സാംസ്‌കാരിക പ്ലാറ്റ്‌ഫോമായ ഇവൻ്റ് ഓർഗനൈസർ (ക്യു ലൈഫ്) കളിക്കാരുടെ മുഴുവൻ ലൈനപ്പും വരും ആഴ്ചകളിൽ പ്രഖ്യാപിക്കും. ഖത്തർ ഫുട്ബോൾ അസോസിയേഷൻ്റെ (ക്യുഎഫ്എ) സഹകരണത്തോടെ സംഘടിപ്പിക്കുന്ന പരിപാടിയിൽ തത്സമയ സംഗീത പരിപാടികളും ഉണ്ടാകും. ലോകമെമ്പാടുമുള്ള ഫുട്ബോൾ ആരാധകർക്ക് മത്സരം അറബിയിലും ഇംഗ്ലീഷിലും തത്സമയം സംപ്രേക്ഷണം ചെയ്യും.
ടിക്കറ്റ് മാസ്റ്റർ വെബ്‌സൈറ്റിൽ നിന്ന് ടിക്കറ്റുകൾ വാങ്ങാം. മാച്ച് ഫോർ ഹോപ്പ് വെബ്‌സൈറ്റിലെ 'ഡൊണേറ്റ്' ബട്ടണിൽ ക്ലിക്ക് ചെയ്ത് ആരാധകർക്ക് സംഭാവനയും നൽകാവുന്നതാണ്.
ടിക്കറ്റ് ലിങ്ക്: www.match4hope.com
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
