January 25, 2024
January 25, 2024
മനാമ: 21-ാമത് ഏഷ്യൻ പുരുഷ ഹാൻഡ്ൾബോൾ ചാമ്പ്യൻഷിപ്പിന്റെ ഫൈനൽ മത്സരത്തിൽ ഇന്ന് (വ്യാഴം) ഖത്തർ ജപ്പാനെ നേരിടും. ബഹ്‌റൈനിലെ ഖലീഫ സ്പോർട്സ് സിറ്റി സ്റ്റേഡിയത്തിൽ വൈകിട്ട് 6:30നാണ് മത്സരം.
സെമി ഫൈനലിൽ കുവൈത്തിനെ 33-26 എന്ന സ്കോറിന് പരാജയപ്പെടുത്തിയാണ് ഖത്തർ ഫൈനലിലെത്തിയത്. ആതിഥേയരായ ബഹ്‌റൈനെ 20-17 എന്ന സ്കോറിന് തോൽപിച്ച് ജപ്പാനും ഫൈനലിലെത്തി.
2025-ൽ ക്രൊയേഷ്യ, ഡെന്മാർക്ക്, നോർവേ എന്നിവിടങ്ങളിൽ നടക്കുന്ന ലോക ഹാൻഡ്ൾബോൾ ചാമ്പ്യൻഷിപ്പിലും ഖത്തർ പങ്കെടുക്കും. കഴിഞ്ഞ അഞ്ച് ഏഷ്യൻ ഹാൻഡ്‌ബോൾ മത്സരങ്ങളിലും (2014, 2016, 2018, 2020, 2022) ഖത്തറാണ് ഗോൾഡ് മെഡൽ നേടിയത്.
അതേസമയം, മൂന്നാം സ്ഥാനത്തിനുള്ള മത്സരത്തിൽ ഇന്ന് ബഹ്‌റൈൻ കുവൈത്തിനെ നേരിടും. വൈകുന്നേരം നാലിനാണ് ഈ മത്സരം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
