October 23, 2023
October 23, 2023
ദോഹ: ഫോർബ്‌സ് മിഡിൽ ഈസ്റ്റിലെ ‘സുസ്ഥിര 100’ പട്ടികയിൽ പത്ത് ഖത്തർ കമ്പനികൾ ഇടം നേടി.ബാങ്കിംഗ്-ഫിനാൻഷ്യൽ സർവീസസ്, ഇൻവെസ്റ്റ്മെന്റ്, ഓയിൽ-ഗ്യാസ്, റിയൽ എസ്റ്റേറ്റ് ആൻഡ് കൺസ്ട്രക്ഷൻ, ടെക്നോളജി ആൻഡ് ടെലികോം, ട്രാൻസ്‌പോർട് ലോജിസ്റ്റിക്സ്, ട്രാവൽ ആൻഡ് ടൂറിസം എന്നീ വിഭാഗങ്ങളാണ് റാങ്ക് പട്ടികയിലുള്ളത്.
ഖത്തർ നാഷണൽ ബാങ്ക് ഗ്രൂപ്പ് (റാങ്ക് 2), ഖത്തർ ഇസ്ലാമിക് ബാങ്ക് (റാങ്ക് 10); ഖത്തർ ഇൻവെസ്റ്റ്മെന്റ് അതോറിറ്റി (റാങ്ക് 4); ഖത്തർ എനർജി (റാങ്ക് 3); ഖത്തറി ഡയർ (റാങ്ക് 10); ഊറിഡൂ ഗ്രൂപ്പ് (റാങ്ക് 4); നകിലാത്ത് (റാങ്ക് 5), ജിഡബ്ല്യുസി (റാങ്ക് 9), ഖത്തർ നാവിഗേഷൻ (മിലാഹ, റാങ്ക് 10); ഖത്തർ എയർവേയ്‌സ് ഗ്രൂപ്പ് (റാങ്ക് 7) എന്നീ 10 കമ്പനികളാണ് റാങ്ക് പട്ടികയിൽ ഇടം നേടിയത്.
അതേസമയം, സുസ്ഥിര പട്ടികയിൽ യുഎഇയിലെ 44 കമ്പനികളും, സൗദി അറേബ്യയിലെ 22 കമ്പനികളും, ഈജിപ്തിൽ നിന്നും കുവൈത്തിൽ നിന്നുമുള്ള 3 കമ്പനികളും, ബഹ്‌റൈനിൽലും ഒമാനിലും ഓരോ കമ്പനികളുമാണ് റാങ്ക് പട്ടികയിലുള്ളത്.
ശുദ്ധമായ ഊർജ്ജ സ്രോതസ്സുകളുടെ ഉപയോഗം, മാലിന്യ സംസ്കരണം, ജല സംരക്ഷണം, ഹരിത വാസ്തുവിദ്യ, മികച്ചതും സുസ്ഥിരവുമായ കാർഷിക പദ്ധതികളിലൂടെ ഭക്ഷ്യ പരമാധികാരം വളർത്തിയെടുക്കൽ എന്നീ സംരംഭങ്ങൾ വഴി മിഡിൽ ഈസ്റ്റിൽ സുസ്ഥിരമായ ഭാവിക്കായി പ്രവർത്തിക്കുന്നുണ്ടെന്ന് ഫോർബ്‌സ് വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
