March 05, 2024
March 05, 2024
ദോഹ: ഖത്തറില്‍ റമദാന്‍ മാസത്തില്‍ 900-ലധികം ഉല്‍പ്പന്നങ്ങള്‍ക്ക് വിലക്കിഴിവ് പ്രഖ്യാപിച്ചു. ഭക്ഷ്യോത്പ്പന്നങ്ങളുടെ വിലയില്‍ ഇളവ് നല്‍കാന്‍ വാണിജ്യ, വ്യവസായ മന്ത്രാലയം നടപടികള്‍ ആരംഭിച്ചു. രാജ്യത്തെ പ്രധാന വിപണന കേന്ദ്രങ്ങളെ ഏകോപിപ്പിച്ചാണ് പദ്ധതി നടപ്പിലാക്കുന്നത്.
2024 മാര്‍ച്ച് 4 മുതല്‍ നിലവില്‍ വന്ന വിലക്കിഴിവുകള്‍ റമദാന്‍ മാസത്തിന്റെ അവസാനം വരെ തുടരും.
An initiative aimed at lowering the prices of over 900 consumer goods for the month of Ramadan has been announced by #MOCIQATAR. This initiative will be until the end of Ramadan, in coordination with major retail outlets. pic.twitter.com/fGGF6EyB5o
— وزارة التجارة والصناعة (@MOCIQatar) March 5, 2024
പാല്‍, തൈര്, പാലുല്‍പ്പന്നങ്ങള്‍, ടിഷ്യൂ പേപ്പര്‍, ക്ലീനിംഗ് വസ്തുക്കള്‍, പാചക എണ്ണ, നെയ്യ്, ചീസ്, ശീതീകരിച്ച പച്ചക്കറികള്‍, പരിപ്പ്, കുടിവെള്ളം, ജ്യൂസുകള്‍, തേന്‍, ഫ്രഷ് പൗള്‍ട്രി, റൊട്ടി, ടിന്നിലടച്ച ഭക്ഷണങ്ങള്‍, പാസ്ത, വെര്‍മിസലി, റോബി റോസ് എന്നിവ ഉള്‍പ്പെടെയുള്ള ഭക്ഷ്യവസ്തുക്കള്‍ക്കാണ് ഇളവ് പ്രഖ്യാപിച്ചത്.
വിലക്കിഴിവുള്ള സാധനങ്ങളുടെ വിശദാംശങ്ങള്‍: https://www.moci.gov.qa/wp-content/uploads/2024/03/MOCI_Ramadan-List_27w-x-37h_20240302-without-CropMarks_compressed.pdf
ഭക്ഷ്യവസ്തുക്കളുടെ വിലക്കയറ്റം നിയന്ത്രിച്ച്, റമദാനില്‍ കുറഞ്ഞ വിലയ്ക്ക് പൗരന്മാര്‍ക്കും താമസക്കാര്‍ക്കും ആവശ്യമായ ഉല്‍പ്പന്നങ്ങള്‍ നല്‍കാനുള്ള മന്ത്രാലയത്തിന്റെ ചട്ടകൂടിലാണ് തീരുമാനം.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്‌സ്ആപ്പ് ചാനലില്‍ ജോയിന്‍ ചെയ്യുക - https://whatsapp.com/channel/0029Va9k1sH3rZZiZHLfLm0F
