March 02, 2024
March 02, 2024
ദോഹ: ഖത്തര്‍ എയര്‍വേയ്‌സ് വേനല്‍ക്കാല യാത്രാ പാക്കേജുകള്‍ പ്രഖ്യാപിച്ചു. സമ്മര്‍ സേവിംഗ്‌സ് ഓഫറിന്റെ ഭാഗമായി 'കുറഞ്ഞ നിരക്കില്‍ കൂടുതല്‍ അവധി' എന്ന പേരില്‍ ടിക്കറ്റ് നിരക്കില്‍ എക്‌സ്‌ക്ലൂസീവ് ഡിസ്‌കൗണ്ടുകളും പ്രഖ്യാപിച്ചു. ഇന്നുമുതല്‍ (മാര്‍ച്ച് 2) മാര്‍ച്ച് 31 വരെ ടിക്കറ്റുകള്‍ ബുക്ക് ചെയ്യുന്നവര്‍ക്ക് ഇളവുകള്‍ ലഭിക്കും. തിരഞ്ഞെടുത്ത യാത്രാ പാക്കേജുകള്‍ക്ക് പ്രത്യേക നിരക്കുകള്‍ ഈടാക്കും.
മാര്‍ച്ച് 8 ന് മുമ്പ് നടത്തുന്ന ബുക്കിംഗുകള്‍ക്ക് ടിക്കറ്റ് നിരക്കില്‍ അധിക കിഴിവുകളും ലഭ്യമാക്കിയിട്ടുണ്ട്. QRHIS500- എന്ന പ്രൊമോ കോഡ് ഉപയോഗിച്ച്, ദോഹയില്‍ നിന്ന് ജിസിസി രാജ്യങ്ങളിലേക്കുള്ള യാത്രാ പാക്കേജുകള്‍ക്ക് 500 ഖത്തര്‍ റിയാല്‍ ഇളവുകള്‍ ലഭിക്കും. QRHIS1000 എന്ന പ്രൊമോ കോഡില്‍ ജിസിസി ഒഴികെയുള്ള രാജ്യങ്ങളിലേക്കുള്ള യാത്രകള്‍ക്ക് ആയിരം ഖത്തര്‍ റിയാല്‍ ഇളവ് ലഭിക്കും. QRHIS1500 എന്ന പ്രൊമോ കോഡില്‍ ജിസിസി ഒഴികെയുള്ള രാജ്യങ്ങളിലേക്കുള്ള ബിസിനസ് ക്ലാസ് യാത്രകള്‍ക്ക് 1,500 ഖത്തര്‍ റിയാല്‍ ഇളവ് ലഭിക്കും. ഒക്ടോബര്‍ 31 വരെയുള്ള യാത്രകള്‍ക്കാണ് ഇളവുകള്‍ ലഭിക്കുക.
അതേസമയം ബിസിനസ് ക്ലാസ്, ഇക്കണോമി ക്ലാസ്, ജിസിസി ട്രാവല്‍ പാക്കേജുകള്‍ എന്നിവയ്ക്കുള്ള പ്രൊമോ കോഡില്‍, ഒരു ബുക്കിംഗില്‍ പരമാവധി രണ്ട് പേര്‍ക്ക് മാത്രമേ ഇളവുകള്‍ ലഭിക്കൂവെന്ന് ഖത്തര്‍ എയര്‍വേയ്‌സ് ഹോളിഡേയ്‌സ് വ്യക്തമാക്കി.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്‌സ്ആപ്പ് ചാനലില്‍ ജോയിന്‍ ചെയ്യുക - https://whatsapp.com/channel/0029Va9k1sH3rZZiZHLfLm0F
