February 27, 2024
February 27, 2024
ദോഹ: ഖത്തറിൽ പേൾ ഫുഡ് ഫെസ്റ്റിവൽ ആരംഭിച്ചു. ദി പേൾ ഐലൻഡിന്റേയും ഗെവാൻ ദ്വീപിന്റേയും മാസ്റ്റർ ഡെവലപ്പർമാരായ യുണൈറ്റഡ് ഡെവലപ്‌മെൻ്റ് കമ്പനിയാണ് (യുഡിസി) മേള സംഘടിപ്പിക്കുന്നത്. പേൾ ഐലൻഡിലെ പോർട്ടോ അറേബ്യയിൽ നടക്കുന്ന ഫെസ്റ്റിവൽ മാർച്ച് 5 വരെ തുടരും.
ഖത്തർ എയർവേയ്‌സ് സ്‌പോൺസർ ചെയ്യുന്ന പേൾ ഫുഡ് ഫെസ്റ്റിവലിൽ പ്രാദേശികവും അന്തർദേശീയവുമായ പാചകരീതികളെ കുറിച്ച് സന്ദർശകർക്ക് മനസിലാക്കാം. നാല് സോണുകളിലായി 30 ഓളം ബൂത്തുകളാണ് പ്രദർശനത്തിലുള്ളത്. സന്ദർശകർക്ക് ഉയർന്ന തലത്തിലുള്ള ഫൈൻ ഡൈനിംഗ് മുതൽ കാഷ്വൽ ഭക്ഷണശാലകൾ വരെയുള്ള വിപുലമായ ഡൈനിംഗ് ഓപ്ഷനുകളാണ് ഇവിടെയുള്ളത്. എഫ് ആൻഡ് ബി റീട്ടെയിലർമാരുടെ വൈവിധ്യമാർന്ന നിരയും ഫെസ്റ്റിവലിൽ പ്രദർശിപ്പിക്കും.
ബൗൺസ് കോട്ടകൾ, കാർട്ടൂൺ കഥാപാത്രങ്ങൾ, റോമിംഗ് പെർഫോമർമാർ, ഫെയ്‌സ് പെയിൻ്റിംഗ്, ഗെയിം ബൂത്തുകൾ, കുടുംബങ്ങൾക്ക് വിശ്രമിക്കാനും ആഘോഷങ്ങൾ ആസ്വദിക്കാനുമുള്ള സമർപ്പിത ഇരിപ്പിടങ്ങൾ തുടങ്ങിയവയും മേളയിലുണ്ട്.
ശനി മുതൽ ബുധൻ വരെ വൈകുന്നേരം 4 മണി മുതൽ രാത്രി 11 മണി വരെയും, വ്യാഴം-വെള്ളി ദിവസങ്ങളിൽ വൈകുന്നേരം 4 മണി മുതൽ പുലർച്ചെ 2 മണി വരെയും ഫെസ്റ്റിവൽ തുറന്നിരിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
