September 09, 2023
September 09, 2023
ദോഹ: ഖത്തറിലെ ഒരീദൂ കപ്പിന് ഇന്ന്(സെപ്തംബർ 9) കിക്ക്‌ ഓഫ്. ആദ്യ മൽസരത്തിൽ അമീർ കപ്പ് ചാമ്പ്യന്മാരായ അൽ അറബിയും മുഐതറുമാണ് ഏറ്റുമുട്ടുന്നത്.
ഗ്രാൻഡ് ഹമദ് സ്റ്റേഡിയത്തിൽ വൈകുന്നേരം 6:30നാണ് മത്സരം ആരംഭിക്കുക.. കൂടാതെ, രണ്ട് ഗ്രൂപ്പ് എ മത്സരങ്ങളും ഇന്ന് രാത്രി 8:30 ന് ആരംഭിക്കും. അൽ വക്രയുടെയും ഉം സലാലിന്റെയും ആദ്യ എ ഗ്രൂപ്പ് മത്സരം സുഹൈം ബിൻ ഹമദ് സ്റ്റേഡിയത്തിൽ നടക്കും. എ ഗ്രൂപ്പിലെ രണ്ടാമത്തെ മത്സരത്തിൽ ഖത്തർ എസ്‌സിയും അൽ അഹ്‌ലിയും സൗദ് ബിൻ അബുൽറഹ്മാൻ സ്റ്റേഡിയത്തിൽ നേർക്കുനേർ ഏറ്റുമുട്ടും.
സെപ്തംബർ 10 ന് ബി ഗ്രൂപ്പ് മത്സരത്തിൽ അൽ ദുഹൈലും അൽ ഷമാലുമാണ് ഗ്രാൻഡ് ഹമദ് സ്റ്റേഡിയത്തിൽ മത്സരിക്കുന്നത്. അന്ന് രാത്രി 8:30ന് അൽ സദ്ദ് ടീം അൽ റയ്യാൻ ടീമുമായി സുഹൈം ബിൻ ഹമദ് സ്റ്റേഡിയത്തിൽ മത്സരിക്കുമ്പോൾ, അൽ ഗരാഫയും അൽ മർഖിയയും സൗദ് ബിൻ അബ്ദുൾറഹ്മാൻ സ്റ്റേഡിയത്തിൽ കളിക്കും. അൽ ദുഹൈലും അൽ സദ്ദും തമ്മിലുള്ള മത്സരം ഒക്ടോബർ 7 ന് സൗദ് ബിൻ അബുൽറഹ്മാൻ സ്റ്റേഡിയത്തിൽ നടക്കും.
അൽ അറബി, അൽ വക്‌റ, ഖത്തർ എസ്‌സി, അൽ അഹ്‌ലി, ഉം സലാൽ, മുഐതർ എന്നിവർ ഗ്രൂപ്പ് എയിലാണുള്ളത്. അൽ ദുഹൈൽ, അൽ സദ്ദ്, അൽ ഗരാഫ, അൽ മർഖിയ, അൽ റയ്യാൻ, അൽ ഷമാൽ ടീമുകൾ ഗ്രൂപ്പ് ബിയിലാണ്.
നവംബർ 19നാണ് ഒരീഡോ കപ്പിന്റെ ഗ്രൂപ്പ് മത്സരങ്ങൾ അവസാനിക്കുന്നത്. ക്വാർട്ടർ ഫൈനൽ മത്സരങ്ങൾ ഡിസംബർ 27, 28 തീയതികളിൽ നടക്കും. അതേസമയം, രണ്ട് സെമി ഫൈനൽ മത്സരങ്ങൾ 2024 ജനുവരി 2നാണ് ഷെഡ്യൂൾ ചെയ്തിരിക്കുന്നത്. ഫൈനൽ മത്സരം ജനുവരി 6 ന് നടക്കും. ഫൈനൽ മാച്ചിന്റെ വേദി ക്യു.എസ്.എൽ ഇതുവരെ പ്രഖ്യാപിച്ചിട്ടില്ല.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
