September 19, 2023
September 19, 2023
ദോഹ: ഖത്തറിൽ ആദ്യമായി ജെറ്റ് സ്കീ ജമ്പ് മത്സരം സംഘടിപ്പിക്കുന്നു. ഓൾഡ് ദോഹ പോർട്ടിലാണ് മത്സരം നടക്കുക..വെള്ളി, ശനി (സെപ്റ്റംബർ 29,30) ദിവസങ്ങളിൽ വൈകുന്നേരം 3 മണി മുതൽ 6 മണി വരെ മത്സരങ്ങളുടെ ആദ്യ സെഷൻ നടക്കുമെന്ന് ഓൾഡ് ദോഹ തുറമുഖം അധികൃതർ അറിയിച്ചു. വിജയിക്കുള്ള അവാർഡ് ദാന ചടങ്ങ് ശനിയാഴ്ച (സെപ്റ്റംബർ 30) നടത്തുമെന്നും അധികൃതർ വ്യക്തമാക്കി.
സെപ്റ്റംബർ 20,21 (ബുധൻ, വ്യാഴം) തിയ്യതികളിൽ രാവിലെ 10 മുതൽ വൈകിട്ട് 4 വരെയാണ് രജിസ്‌ട്രേഷൻ സമയം. സെപ്റ്റംബർ 21ന് രജിസ്‌ട്രേഷൻ അവസാനിക്കും.
ജനറൽ ഡയറക്ടറേറ്റ് ഓഫ് കോസ്റ്റ് ആൻഡ് ബോർഡർ സെക്യൂരിറ്റിയുമായി ചേർന്ന് ഉയർന്ന സുരക്ഷാ നടപടികൾ ഒരുക്കുമെന്നും അധികൃതർ വ്യക്തമാക്കിയിട്ടുണ്ട്. പങ്കെടുക്കുന്നവർ ഹെൽമെറ്റും ആവശ്യമായ എല്ലാ സുരക്ഷാ ഉപകരണങ്ങളും ധരിക്കേണ്ടത് നിർബന്ധമാണ്. ദോഹ പോർട്ടിൽ ഭാവിയിൽ നടക്കാൻ പോകുന്ന നിരവധി പരിപാടികളുടെ ഭാഗമായാണ് ജെറ്റ് സ്കീ ജമ്പ് മത്സരം സംഘടിപ്പിക്കുന്നതെന്നും അധികൃതർ വ്യക്തമാക്കി.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
