August 15, 2023
August 15, 2023
അൻവർ പാലേരി
ദോഹ : രണ്ടാഴ്ച മുമ്പ് ഹൃദയാഘാതത്തെ തുടർന്ന് ഹമദ് ആശുപത്രിയിൽ പ്രവേശിപ്പിച്ച കാസർകോട് തളങ്കര സ്വദേശി പടിഞ്ഞാർകുന്നിൽ അസീബ്(34)നിര്യാതനായി.ഇന്ന്(ചൊവ്വാഴ്ച)ഉച്ചയോടെയായിരുന്നു അന്ത്യം.
അൽ വക്രയിൽ ഇൻ ലാൻഡ് ട്രാവൽ ആൻഡ് ടൂറിസം എന്ന സ്ഥാപനം നടത്തിവരികയായിരുന്നു.ഭാര്യയും മക്കളും സന്ദർശക വിസയിൽ ഖത്തറിൽ ഉണ്ട്.അസുഖം മൂർച്ഛിച്ചതിനെ തുടർന്ന് നാട്ടിൽ നിന്ന് ഉമ്മയും സഹോദരനും ഭാര്യാ മാതാവും ഉൾപെടെ ദോഹയിൽ എത്തിയിരുന്നു.
മാലിക്,ഹവ്വാബി ദമ്പതികളുടെ മകനാണ്. ഭാര്യ : ഫാത്തിമ ജുമാന. മക്കൾ : ഹനിയ ഫാത്തിമ,അബ്ദുൽ ഹലീം.നടപടിക്രമങ്ങൾ പൂർത്തിയാക്കി മൃതദേഹം നാട്ടിലെത്തിക്കാൻ കെ.എം.സി.സി അൽ ഇഹ്‌സാൻ മയ്യിത്ത് പരിപാലന കമ്മറ്റി രംഗത്തുണ്ട്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
