October 11, 2023
October 11, 2023
ദോഹ: ഖത്തറിലെ ഓള്‍ഡ് അല്‍ ഗാനിമില്‍ (ഓള്‍ഡ് ഗോള്‍ഡ് സൂഖ്) പുതിയ പൊതു പാര്‍ക്കിംഗ് ഏരിയ തുറന്നു. പാര്‍ക്കിംഗ് ഏരിയയുടെ ഉദ്ഘാടനം മുന്‍സിപ്പാലിറ്റി മൊവാസാലത്ത് (കര്‍വ) മന്ത്രാലയം ഇന്നലെ (ചൊവ്വാഴ്ച) നിര്‍വഹിച്ചു. പഴയ അല്‍ ഗാനിം ബസ് സ്റ്റേഷന്‍ പരിസരത്താണ് പുതിയ പാര്‍ക്കിംഗ്. ഖത്തറിലെ പൊതുപാര്‍ക്കിംഗ് മാനേജ്‌മെന്റ് പദ്ധതിയുടെ ഭാഗമായാണ് പുതിയ പാര്‍ക്കിംഗ് സംവിധാനം ആരംഭിച്ചതെന്ന് കര്‍വ വ്യക്തമാക്കി.
ഖത്തര്‍ നാഷണല്‍ വിഷന്‍ 2023 ന്റെ ഭാഗമായി നഗരത്തിലെ ജനജീവിതം സുഗമമാക്കുന്നതും ജീവിത നിലവാരം മെച്ചപ്പെടുത്തുന്നതും ലക്ഷ്യമിട്ടാണ് പുതിയ സംവിധാനമെന്ന് ദോഹ മുന്‍സിപ്പാലിറ്റി ഡയറക്ടര്‍ മന്‍സൂര്‍ അജ്രാന്‍ അല്‍ ബുയ്‌നൈന്‍ പറഞ്ഞു. വാഹന പാര്‍ക്കിംഗിനായുള്ള ആളുകളുടെ നിരന്തര ആവശ്യം പരിഗണിച്ചാണ് പഴയ അല്‍ ഗാനിം ബസ് സ്റ്റേഷന്‍ പൊതു പാര്‍ക്കിംഗ് സ്ഥലമാക്കി മാറ്റിയതെന്ന് കര്‍വ ചീഫ് അഡ്മിനിസ്‌ട്രേറ്റീവ് ഓഫീസര്‍ അഹമ്മദ് അബ്ദുള്‍ റഹ്‌മാന്‍ അല്‍ മുഫ്തയും വ്യക്തമാക്കി. അത്യാധുനിക സജ്ജീകരങ്ങളോട് കൂടിയ പുതിയ പാര്‍ക്കിംഗ് ഏരിയയിൽ ഹ്രസ്വ-ദീര്‍ഘകാല പാര്‍ക്കിംഗ് ഓഫറുകളും ലഭ്യമാക്കും.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
