Breaking News
യുഎഇയിൽ 10 വർഷം കാലാവധിയുളള ബ്ലൂ റെസിഡൻസി വിസ പ്രഖ്യാപിച്ചു   | ഖത്തർ വിദേശകാര്യ മന്ത്രാലയ സഹമന്ത്രിക്ക് "ചാമ്പ്യൻ ഓഫ് ഹ്യൂമാനിറ്റേറിയൻ ഡിപ്ലോമസി" അവാർഡ് | ഫിഫ അറബ് കപ്പിന്റെ മൂന്ന് പതിപ്പുകള്‍ക്ക് ആതിഥേയത്വം വഹിക്കാൻ ഖത്തർ | എയർ ഇന്ത്യ എക്സ്പ്രസിന്റെ കണ്ണൂർ-അബുദാബി സർവീസ് മുന്നറിയിപ്പില്ലാതെ റദ്ദാക്കി; വിമാനത്താവളത്തിൽ പ്രതിഷേധം, മറ്റ് രണ്ടു വിമാനങ്ങൾ കൂടി റദ്ദാക്കി | അബുദാബിയിൽ ഹൃദയാഘാതത്തെ തുടർന്ന് മലപ്പുറം സ്വദേശി മരിച്ചു  | ഖത്തർ ഇന്ത്യന്‍ എംബസിയുടെ കോണ്‍സുലാര്‍ സേവനങ്ങളുടെ സമയം പുനഃക്രമീകരിച്ചു  | എം.​എ. യൂ​സു​ഫ​ലി ഖത്തർ അ​മീ​റു​മാ​യി കൂ​ടി​ക്കാ​ഴ്ച ന​ട​ത്തി | സംസ്ഥാനത്ത് വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു,ഇന്ത്യയിൽ മരുന്നില്ല  | ഇന്ത്യയിൽ പൗരത്വ ഭേദഗതി നിയമം നിലവിൽ വന്നു,ആദ്യം അപേക്ഷിച്ച 14 പേർക്ക് സർട്ടിഫിക്കറ്റുകൾ നൽകി | താഴ്ന്ന വരുമാനക്കാരായ പ്രവാസികൾക്ക് ഇൻഷുറൻസ് പരിരക്ഷ ഉറപ്പാക്കാൻ  'കൊഡാക',എം-3 മാജിക്കൽ മ്യൂസിക്കൽ മൊമെന്റ്‌സ്‌ വെള്ളിയാഴ്ച |
ഖത്തര്‍ ഫുട്‌ബോൾ ദേശീയ ടീം‍ ക്യാപ്റ്റന്‍ ഹസന്‍ അല്‍ ഹൈദൂസ് രാജ്യാന്തര മത്സരങ്ങളില്‍ നിന്ന് വിരമിക്കുന്നു 

March 17, 2024

news_malayalam_sports_news_updates

March 17, 2024

ന്യൂസ്‌റൂം സ്പോർട്സ് ഡെസ്ക് 

ദോഹ: ഖത്തര്‍ ഫുട്‌ബോള്‍ ദേശീയ ടീമിന്റെ ക്യാപ്റ്റന്‍ ഹസന്‍ അല്‍ ഹൈദൂസ് അന്താരാഷ്ട്ര മത്സരങ്ങളിൽ നിന്ന് വിരമിക്കുന്നതായി‍ പ്രഖ്യാപിച്ചു. നിരവധി ശ്രദ്ധേയമായ നേട്ടങ്ങള്‍ ദേശീയ ടീമിന് നേടിക്കൊടുത്ത ശേഷമാണ് ഹസൻ വിരമിക്കുന്നത്. അല്‍ അന്നാബിയോടൊപ്പമുള്ള തന്റെ കരിയറില്‍, 183 അന്താരാഷ്ട്ര മത്സരങ്ങളിൽ 41 ഗോളുകളാണ് ഹസൻ നേടിയത്. ഖത്തര്‍ 2011 എഡിഷന്‍, ഓസ്ട്രേലിയ 2015, യുഎഇ 2019, ഖത്തര്‍ 2023 എന്നിങ്ങനെ നാല് തവണയാണ് എഎഫ്സി ഏഷ്യന്‍ കപ്പില്‍ പങ്കെടുത്തത്. 

നേട്ടങ്ങളുടെ അടിസ്ഥാനത്തില്‍, 2014 ലെ ഗള്‍ഫ് കപ്പും 2019 ലും 2023 ലും നടന്ന എഎഫ്സി ഏഷ്യന്‍ കപ്പും നേടിയ ഖത്തര്‍ ഫുട്ബോള്‍ ദേശീയ ടീമിന്റെ ചരിത്ര നായകന്മാരില്‍ ഒരാളായിരുന്നു ഹസൻ. 16 വര്‍ഷത്തെ കരിയറില്‍ ദേശീയ ടീമിന് നല്‍കിയ വിലമതിക്കാനാവാത്ത സംഭാവനകള്‍ക്ക് ഖത്തര്‍ ഫുട്‌ബോള്‍ അസോസിയേഷന്‍ അഗാധമായ നന്ദിയും ആത്മാര്‍ത്ഥമായ അഭിനന്ദനവും അറിയിച്ചു. 

‘16 വ​ർ​ഷ​ത്തെ ഹൈ​ദോ​സി​ന്റെ ക​രി​യ​ർ സ്വ​പ്ന​തു​ല്യ​മാ​യി​രു​ന്നു. ഈ ​കാ​ല​യ​ള​വി​ൽ അ​ദ്ദേ​ഹം നി​ര​വ​ധി നേ​ട്ട​ങ്ങ​ളി​ൽ പ​ങ്കു​വ​ഹി​ച്ചു. ഒ​രു​പി​ടി കി​രീ​ട​ങ്ങ​ളി​ലേ​ക്കും ടീ​മി​നെ ന​യി​ച്ചു. അ​ൽ അ​ന്നാ​ബി​യു​ടെ വി​ശ്വ​സ്ത​നാ​യ നാ​യ​ക​നാ​യി​രു​ന്നു. വ​രാ​നി​രി​ക്കു​ന്ന പ്ര​ഫ​ഷ​ന​ൽ യാ​ത്ര​യി​ലെ വി​ജ​യ​ങ്ങ​ളി​ൽ ആ​ശം​സ​ക​ൾ നേ​രു​ന്നു’ -ഏ​ഷ്യ​ൻ ക​പ്പ് കി​രീ​ട​നേ​ട്ട​ത്തി​നു പി​ന്നാ​ലെ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ബി​ഷ്ത് അ​ണി​യി​ക്കു​ന്ന ചി​ത്രം പ​ങ്കു​വെ​ച്ചു​കൊ​ണ്ട് ക്യു.​എ​ഫ്.​എ കു​റി​ച്ചു.

2008ലാണ് ഹസൻ ദേശീയ ടീമില്‍ ചേരുന്നത്. അതേ വര്‍ഷം തന്നെ ഖത്തര്‍ ഫുട്ബോള്‍ അസോസിയേഷന്റെ മികച്ച യുവതാരത്തിനുള്ള പുരസ്‌കാരം നേടുകയും ചെയ്തു. ക്യു.എഫ്.എ‍ നല്‍കുന്ന വാര്‍ഷിക അവാര്‍ഡുകളില്‍ 2015 ലെ മികച്ച കളിക്കാരനായും തിരഞ്ഞെടുക്കപ്പെട്ടിരുന്നു. ഏ​റ്റ​വും കൂ​ടു​ത​ൽ അ​ന്താ​രാ​ഷ്ട്ര മ​ത്സ​ര​ങ്ങ​ളി​ൽ ബൂ​ട്ട​ണി​ഞ്ഞ ഖ​ത്ത​രി താ​ര​മെ​ന്ന റെ​ക്കോ​ഡും ഹൈ​ദോ​സി​ന് ത​ന്നെ​യാ​ണ്.

2006 മു​ത​ൽ അ​ൽ സ​ദ്ദ് എ​സ്.​സി​യു​ടെ പ്ര​ധാ​ന താ​ര​മാ​ണ് ഹ​സ​ൻ. ഇ​തി​ന​കം 323 മ​ത്സ​ര​ങ്ങ​ളി​ൽ അ​ൽ സ​ദ്ദി​നാ​യി പ​ന്തു ത​ട്ടി. അ​ന്താ​രാ​ഷ്ട്ര ഫു​ട്ബാ​ൾ അ​വ​സാ​നി​പ്പി​ച്ചെ​ങ്കി​ലും ക്ല​ബിൽ തു​ട​രും.

ക​രി​യ​റി​ലു​ട​നീ​ളം പി​ന്തു​ണ ന​ൽ​കി​യ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​ക്ക് ഹൈ​ദോ​സ് ഇ​ൻ​സ്റ്റ​​ഗ്രാം പോ​സ്റ്റി​ലൂ​ടെ ന​ന്ദി അ​റി​യി​ച്ചു.

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News