January 22, 2024
January 22, 2024
ദോഹ: ഖത്തറിൽ പ്രധാന റോഡിൽ അപകടകരമായി വാഹനമോടിച്ച ഡ്രൈവറെ അറസ്റ്റ് ചെയ്‌തതായി ആഭ്യന്തര മന്ത്രാലയം (എംഒഐ) അറിയിച്ചു. വാഹനം പിടിച്ചെടുത്തതായും ഡ്രൈവർക്കെതിരെ നിയമനടപടികൾ സ്വീകരിച്ചതായും ആഭ്യന്തര മന്ത്രാലയം വ്യക്തമാക്കി.
അശ്രദ്ധമായ ഡ്രൈവിങ്ങിൽ അപകടമുണ്ടാക്കി സംഭവസ്ഥലത്ത് നിന്ന് കടന്നു കളഞ്ഞ ഡ്രൈവറെ ട്രാക്ക് ചെയ്യുകയും പിന്നീട് പിടികൂടുകയുമായിരുന്നു. വാഹനം പിടിച്ചെടുത്ത് നശിപ്പിച്ചതിന്റെ ദൃശ്യങ്ങളും മന്ത്രാലയം സമൂഹ മാധ്യമങ്ങളിൽ പങ്കുവെച്ചിട്ടുണ്ട്. മന്ത്രാലയം പുറത്തുവിട്ട വീഡിയോയിൽ, പിടിച്ചെടുത്ത വാഹനം ഒരു ഹാമർ മിൽ ഷ്രെഡറിൽ നശിപ്പിക്കുന്നത് കാണാം.
ഇത്തരം നിയമലംഘനങ്ങൾ നടത്തുന്നവർക്ക് ഒരു മാസത്തിൽ കുറയാത്തതും മൂന്ന് വർഷത്തിൽ കൂടാത്തതുമായ തടവ് ശിക്ഷയും, 10,000 റിയാലിൽ കുറയാത്തതും 50, 000 റിയാലിൽ കൂടാത്തതുമായ പിഴയും ശിക്ഷയായി ലഭിക്കുമെന്ന് മന്ത്രാലയം മുന്നറിയിപ്പ് നൽകി. ഗതാഗത നിയമ ലംഘനങ്ങൾക്കെതിരെ നിരന്തരം മുന്നറിയിപ്പ് നൽകിക്കൊണ്ടിരിക്കുന്ന മന്ത്രാലയം, ഇത്തരം നിയമ ലംഘനങ്ങൾക്കെതിരെ നടപടിയെടുക്കാൻ മടിക്കില്ലെന്നും അധികൃതർ കൂട്ടിച്ചേർത്തു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
