February 24, 2024
February 24, 2024
ദോഹ: 2026 വരെ ഖത്തർ ദേശീയ ഫുട്ബോൾ ടീമിൻ്റെ മുഖ്യ പരിശീലകനായി തുടരാൻ സ്പാനിഷ് പരിശീലകൻ മാർക്വേസ് ലോപ്പസ് കരാറിൽ ഒപ്പുവെച്ചതായി ഖത്തർ ഫുട്ബോൾ അസോസിയേഷൻ (ക്യുഎഫ്എ) പ്രഖ്യാപിച്ചു. പരിശീലകനായി ചുമതലയേറ്റ് ഒരു മാസത്തിനുള്ളിൽ തന്നെ ഖത്തറിന് ഏഷ്യൻ കപ്പ് കിരീടം സ്വന്തമാക്കാൻ മാർക്വേസിന് സാധിച്ചിരുന്നു .
അൽ ബിദ ടവറിലെ ക്യു.എഫ്.എ ഓഫീസിൽ ഇന്നലെ (വെള്ളിയാഴ്ച) ജനറൽ സെക്രട്ടറി മൻസൂർ അൽ അൻസാരിയും കോച്ചും കരാറിൽ ഒപ്പുവെച്ചു. അൽ വക്ര ക്ലബ്ബിൽ നിന്നാണ് മാർക്വേസ് ദേശീയ ടീമിന്റെ സ്ഥിരം പരിശീലകനായെത്തുന്നത്. കോച്ചിനെ ദേശീയ ടീമിലേക്ക് നൽകിയ അൽ വക്ര ടീമിന് ക്യു.എഫ്.സി നന്ദിയും അറിയിച്ചു.
ഡിസംബർ ആദ്യവാരത്തിലായിരുന്നു മാർക്വേസ് ലോപസ് ദേശീയ ടീമിന്റെ താൽകാലിക പരിശീലകനായി ചുമതലയേൽക്കുന്നത്. പോർച്ചുഗീസുകാരനായ മുൻ പരിശീലകൻ കാർലോസ് ക്വിറോസിന് പകരക്കാരനായാണ് ലോപ്പസ് എത്തുന്നത്. മാർച്ച് 21ന് നടക്കുന്ന ലോകകപ്പ് യോഗ്യതാ മത്സരത്തിൽ ലോപസിന്റെ പരിശീലനത്തിൽ ഖത്തർ ടീം മത്സരിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
