February 19, 2024
February 19, 2024
ദോഹ : കെ ബി എഫ് ഖത്തർ, ഖത്തർ സ്പോർട്സ് ഡേയോട് അനുബന്ധിച്ചു കുടുംബ സംഗമം നടത്തി. ഉം അൽ അഫായിലുള്ള ഫാം ഹൗസിൽ നടന്ന പരിപാടിയിൽ മുന്നൂറോളം കെ ബി എഫ് കുടുംബാഗങ്ങൾ പങ്കെടുത്തു.
കുട്ടികൾക്കും, സ്ത്രീകൾക്കും, പുരുഷന്മാർക്കും ഫുട്ബോൾ, വോളി ബോൾ, ചെസ്സ്, ടേബിൾ ടെന്നീസ്, ബോർഡ് ഗെയിംസ് തുടങ്ങി നിരവധി കായിക മത്സരങ്ങൾ സംഘടിപ്പിച്ചു
പ്രസിഡന്റ് അജി കുര്യാക്കോസിന്റെ അധ്യക്ഷതയിൽ തുടങ്ങിയ പരിപാടിയിൽ ഐ ബി പി സി വൈസ് പ്രസിഡന്റ് സന്തോഷ് ടി വി ആശംസകൾ അർപ്പിച്ചു. വൈസ് പ്രസിഡന്റ് കിമി അലക്സാണ്ടർ, ജനറൽ സെക്രട്ടറി മൻസൂർ മൊയ്ദീൻ, ട്രെഷറർ നൂറുൽഹഖ്, ജയപ്രസാദ് ജെ പി, ഹംസ സഫർ, ഷബീർ മുഹമ്മദ്, അബ്ദുൽ ഗഫൂർ, വിപിൻ വാസു, അജയ് പുത്തൂർ, അഭിലാഷ് രാധാകൃഷ്ണൻ, ഷിംന ജയവൽസൻ, ശിഹാബ് ഷെരീഫ്, ബീന മൻസൂർ, ബിന്ദു കരുൺ, സെറീന ഹംസ, പല്ലവി ജയരാജ്, ബിജു സി കെ, സിൻറ്റോ ജോർജ്, എന്നിവർ നേത്രത്വം നൽകിയ പരിപാടിയുടെ മുഖ്യ സംഘാടകൻ ജോയിന്റ് സെക്രട്ടറി സോണി എബ്രഹാം ആയിരുന്നു
കെ ബി എഫ് അഡ്വൈസറി ബോർഡ് അംഗങ്ങൾ നാരായണൻ വി എസ്, അബ്ദുല്ല തെരുവത്ത്, ജയരാജ് കെ ആർ, ശിഹാബ് ഷെരീഫ്, ഐ സി സി പ്രസിഡന്റ് മണികണ്ഠൻ എ പി, ഇന്ത്യൻ സ്പോർട്സ് സെന്റർ പ്രസിഡന്റ് ഇ പി അബ്ദുൽ റഹ്മാൻ, ജനറൽ സെക്രട്ടറി നിഹാദ് അലി, മുതിർന്ന കെ ബി എഫ് അംഗങ്ങളായ പി എൻ ബാബുരാജൻ, ഉസ്മാൻ കല്ലൻ, ഹൈദർ ചുങ്കത്തറ, ഖലീൽ പരീദ്, ഗിരീഷ് പിള്ള, നിഷാം ഇസ്മായിൽ, ഊണ്ണിക്കൃഷ്ണൻ നായർ, ജലീൽ കാവിൽ, അബ്ദുൽ റഹ്മാൻ കരിഞ്ചോല, ഡോക്ടർ ഹംസ വി വി, ജയപാൽ എന്നിവരുടെ സാന്നിധ്യം കൊണ്ട് ശ്രദ്ധിക്കപ്പെട്ടു
ഖത്തർ ഇന്ത്യ ടഗ് ഓഫ് വാർ അസോസിയേഷനുമായി സഹകരിച്ചു നടത്തിയ കെ ബി എഫ് കപ്പ് വടം വലി മത്സരത്തിൽ പത്തു പുരുഷ ടീമുകളും, അഞ്ചു വനിതാ ടീമുകളും പങ്കെടുത്തു. പുരുഷന്മാരുടെ വിഭാഗത്തിൽ അംവാജ് ഡ്രിങ്കിങ് വാട്ടർ സ്പോൺസർ ചെയ്ത സാക് ബി ടീം ടീമും, വനിതകളുടെ വിഭാഗത്തിൽ ഷാർപ് ഹീൽസ് ഓറഞ്ച് ടീമും ജേതാക്കളായി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F