October 17, 2023
October 17, 2023
ഗസ: ഇസ്രയേല്‍ - ഫലസ്തീന്‍ സംഘര്‍ഷം തുടരുന്നതിനിടെ അമേരിക്കന്‍ പ്രസിഡന്റ് ജോ ബൈഡന്‍ ഇസ്രയേല്‍ സന്ദര്‍ശിക്കും. ബുധനാഴ്ച (ഒക്ടോബര്‍ 18) ബൈഡന്‍ ഇസ്രായേലില്‍ എത്തും. ബൈഡന്റെ സന്ദര്‍ശനം യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ സ്ഥിരീകരിച്ചു. തെല്‍ അവീവില്‍ എത്തുന്ന ബൈഡന്‍ ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായി കൂടിക്കാഴ്ച നടത്തും.
നയതന്ത്ര തല ചര്‍ച്ചകള്‍ക്ക് പിന്നാലെയാണ് ബൈഡന്‍ ഇസ്രായേല്‍ സന്ദര്‍ശിക്കുന്നത്. ഇസ്രയേലിനോടുള്ള യുഎസിന്റെ ഐക്യദാര്‍ഢ്യം ഉറപ്പിക്കുകയാണ് ലക്ഷ്യമെന്ന് ആന്റണി ബ്ലിങ്കന്‍ പ്രതികരിച്ചു. ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായി എട്ടുമണിക്കൂറോളം ചര്‍ച്ച നടത്തിയ ശേഷമായിരുന്നു ബ്ലിങ്കന്റെ പ്രതികരണം. ഇസ്രയേല്‍ സന്ദര്‍ശനത്തിന് ശേഷം ബൈഡന്‍ ജോര്‍ദാനിലും സന്ദര്‍ശനം നടത്തും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
