January 14, 2024
January 14, 2024
ദോഹ: ഖത്തറിൽ ഇന്ന് (ഞായർ) നടന്ന എ.എഫ്.സി ഏഷ്യൻ കപ്പിന്റെ ആദ്യ ഗ്രൂപ്പ് ഡി മത്സരത്തിൽ വിയറ്റ്നാമിനെ പരാജയപ്പെടുത്തി ജപ്പാൻ. അൽ തുമാമ സ്റ്റേഡിയത്തിൽ വൈകുന്നേരം 2:30നായിരുന്നു മത്സരം. 4-2 എന്ന സ്കോറിനാണ് മത്സരം അവസാനിച്ചത്.
മത്സരം ആരംഭിച്ച് 11-ാം മിനിറ്റിൽ തന്നെ തകുമി മിനാമിനോ ജപ്പാന് വേണ്ടി ആദ്യ ഗോൾ നേടി. രണ്ടാമത്തെ ഗോളും നേടിയത് തകുമി മിനാമിനോ തന്നെയാണ്. 16-ാം മിനിറ്റിൽ വിയറ്റ്നാമിനായി എൻഗുയെൻ പാർക്ക് ആദ്യ ഗോൾ നേടി. 33-ാം മിനിറ്റിൽ വിയറ്റ്നാമിന്റെ തുവാൻ ഹായ് രണ്ടാം ഗോളും നേടി. ജപ്പാന് വേണ്ടി കെയ്‌റ്റോ നകാമുറ മൂന്നാം ഗോൾ നേടിയപ്പോൾ മത്സരത്തിന്റെ 85-ാം മിനിറ്റിൽ അയാസെ ഉഇദ ജപ്പാന് വേണ്ടി നാലാമത്തെ ഗോളും സ്വന്തമാക്കി. കൂടാതെ, മത്സരത്തിലെ മികച്ച താരത്തിനുള്ള പുരസ്കാരവും ജപ്പാന്റെ തകുമി മിനാമിനോ സ്വന്തമാക്കി.
അതേസമയം ഇന്ന് വൈകുന്നേരം 5:30 ന് ഖലീഫ ഇന്റർനാഷണൽ സ്റ്റേഡിയത്തിൽ യുഎഇ ഹോങ്കോങ്ങിനെതിരെ മത്സരിക്കും. ഇന്ന് രാത്രി 8:30 ന് എഡ്യൂക്കേഷൻ സിറ്റി സ്റ്റേഡിയത്തിൽ ഇറാൻ ഫലസ്തീനിനെതിരെയും പോരാടും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
