January 31, 2024
January 31, 2024
ദോഹ: എ.എഫ്.സി ഏഷ്യൻ കപ്പ് റൗണ്ട് ഓഫ് 16ൽ ബഹ്‌റൈനെതിരെ ജപ്പാന് വിജയം. ഇന്ന് (ബുധൻ) ഉച്ചക്ക് 2:30ന് അൽ തുമാമ സ്റ്റേഡിയത്തിൽ നടന്ന മത്സരത്തിൽ 3-1 എന്ന സ്കോറിന് ജപ്പാൻ ബഹ്‌റൈനെ പരാജയപ്പെടുത്തി.
മത്സരത്തിന്റെ 31-ാം മിനിറ്റിൽ ജപ്പാന്റെ റിറ്റ്‌സു ടോയൻ ആദ്യ ഗോൾ നേടി. 49-ാം മിനിറ്റിൽ ടാകെഫുസ കുബോ രണ്ടാമത്തെ ഗോളടിച്ചു. സെൽഫ് ഗോളിലൂടെ 64-ാം മിനിറ്റിൽ ബഹ്റൈൻ ഒരു ഗോൾ സ്വന്തമാക്കി. 72-ാം മിനിറ്റിൽ ജപ്പാന്റെ അയാസെ ഉഎട മൂന്നാമത്തെ ഗോളുമടിച്ച് ക്വാർട്ടർ ഫൈനലിൽ ഇടം നേടി. ഇതോടെ എ.എഫ്.സി മത്സരത്തിൽ നിന്ന് ബഹ്റൈൻ പുറത്തായി.
അതേസമയം, ഇന്ന് (ബുധൻ) സിറിയക്കെതിരെ ഇറാൻ അവസാന റൗണ്ട് ഓഫ് 16 മത്സരത്തിൽ പോരാടും. അബ്ദുല്ല ബിൻ ഖലീഫ സ്റ്റേഡിയത്തിൽ രാത്രി 7നാണ് മത്സരം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
