December 26, 2023
December 26, 2023
ദോഹ: ഖത്തറിൽ നടക്കാനിരിക്കുന്ന എ.എഫ്.സി ഏഷ്യന്‍ കപ്പ് ഫുട്ബോൾ മത്സരത്തിനുള്ള ഒരുക്കങ്ങൾ പൂർത്തിയായി. ഇന്ത്യന്‍ ടീമാണ് ആദ്യം ദോഹയിൽ എത്തുക. ഡിസംബർ 30 ന് ഇന്ത്യൻ ടീം ഖത്തറിലെത്തുമെന്ന് ബന്ധപ്പെട്ട വൃത്തങ്ങൾ അറിയിച്ചു.
ജനുവരി 12നാണ് എ.എഫ്.സി ഏഷ്യന്‍ കപ്പ് മത്സരം ആരംഭിക്കുന്നത്. ടൂര്‍ണമെന്റിന് മുമ്പ് ഇന്ത്യക്ക് മറ്റു സന്നാഹ മത്സരങ്ങളൊന്നുമില്ല. ജനുവരി 13ന് ഓസ്ട്രേലിയയുമായാണ് ഇന്ത്യയുടെ ആദ്യ മത്സരം. ഗ്രൂപ്പ് ബിയില്‍ ഉസ്ബെകിസ്താനും സിറിയയുമാണ് ഇന്ത്യയുടെ മറ്റ് എതിരാളികള്‍.
2024 ഫെബ്രുവരി 10 വരെയാണ് ടൂര്‍ണമെന്റ്. ഖത്തറിലെ പ്രധാന സ്റ്റേഡിയങ്ങളിലായി 51 മത്സരങ്ങള്‍ നടക്കും. ടൂര്‍ണമെന്റിന്റെ മൂന്നാം ഘട്ട ടിക്കറ്റ് വില്‍പ്പന ഡിസംബർ 20 മുതൽ ആരംഭിച്ചു. എഎഫ്‌സിയുടെ ഔദ്യോഗിക ടിക്കറ്റിംഗ് വെബ്‌സൈറ്റിലൂടെ ടിക്കറ്റുകള്‍ വാങ്ങാം. 25 ഖത്തർ റിയാൽ മുതല്‍ ടിക്കറ്റുകള്‍ ലഭ്യമാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
