January 13, 2024
January 13, 2024
ദോഹ: ഖത്തറിലെ മലയാളികൾ ഉൾപ്പെടെയുള്ള ആരാധകരോട് അഭ്യർത്ഥനയുമായി മലയാളി താരം സഹൽ അബ്ദുൽ സമദ്. ഇന്ത്യ-ഓസ്ട്രേലിയ പ്രീ മാച്ച് വാർത്ത സമ്മേളനത്തിൽ സംസാരിക്കുകയായിരുന്നു അദ്ദേഹം.
‘ഖത്തറിലെ മലയാളികൾ ഉൾപ്പെടെ എല്ലാവരും ഗാലറിയിലെത്തുമെന്ന് അറിയാം. അവരെ കാത്തിരിക്കുകയാണ് ഞങ്ങൾ. അവരുടെ പിന്തുണയും ഗാലറിയിലെ ആരവവും ഞങ്ങൾക്ക് എപ്പോഴും ഇരട്ടി പ്രചോദനമാണ്. തീർച്ചയായും നിങ്ങളെ ഞങ്ങൾ കാത്തിരിക്കും. നല്ലൊരു കളി ഞങ്ങൾ നിങ്ങൾക്കായി കാഴ്ചവെക്കും’ - ഖത്തറിൽ നടന്ന വാർത്താസമ്മേളനത്തിൽ മലയാളത്തിൽ തന്നെ സഹൽ പറഞ്ഞു.
ഇന്ത്യൻ ടീമിന്റെ പരിശീലകൻ ഇഗോർ സ്റ്റിമാകിന്റെ സാന്നിധ്യത്തിൽ വിവിധ രാജ്യങ്ങളിൽ നിന്നുള്ള മാധ്യമപ്രവർത്തകരുള്ള വാർത്തസമ്മേളനത്തിലായിരുന്നു സഹലിന്റെ പ്രതികരണം. എന്നാൽ, ഇന്ത്യൻ സൂപ്പർ മത്സരത്തിനിടെ പരിക്ക് പറ്റിയതിനാൽ ആസ്ട്രേലിയക്കെതിരായ മത്സരത്തിൽ സഹൽ കളിക്കില്ല. പൂർണമായും ഫിറ്റ്നസ് വീണ്ടെടുത്താൽ ജനുവരി 18ന് ഉസ്ബകിസ്താനെതിരെ ഗ്രൗണ്ടിൽ ഇറങ്ങും. അല്ലെങ്കിൽ ജനുവരി 23ന് അൽ ബൈത് സ്റ്റേഡിയത്തിൽ സിറിയക്കെതിരായ അവസാന ഗ്രൂപ്പ് മത്സരത്തിൽ സഹലിനെ പ്രതീക്ഷിക്കാമെന്നാണ് കോച്ച് ഇഗോർ സ്റ്റിമാക് സൂചന നൽകിയത്.
അതേസമയം, ഇന്നാണ് (ശനി) എ.എഫ്.സിയുടെ ഇന്ത്യ-ഓസ്‌ട്രേലിയയെ മത്സരം. അല്‍ റയ്യാനിലെ അഹ്‌മദ് ബിന്‍ അലി സ്റ്റേഡിയത്തില്‍ ഖത്തർ സമയം ഉച്ചയ്ക്ക് 2.30നാണ് മത്സരം. മത്സരത്തിനായി പൂര്‍ണ സജ്ജമെന്ന് ഇന്ത്യന്‍ ടീം ക്യാപ്റ്റന്‍ സുനില്‍ ഛേത്രി പറഞ്ഞു. ജനുവരി 18ന് ഉസ്ബക്കിസ്ഥാനുമായാണ് ഇന്ത്യയുടെ രണ്ടാമത്തെ മത്സരം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
