October 23, 2023
October 23, 2023
റിയാദ്: സൗദി അറേബ്യയില്‍ ഇന്ത്യയിലേത് ഉള്‍പ്പെടെയുള്ള വിദേശ രാജ്യങ്ങളിലെ സര്‍വകലാശാലകള്‍ക്ക് ശാഖകള്‍ തുറക്കാന്‍ അനുമതി ലഭിച്ചു. സൗദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്റെ നേതൃത്വത്തിലുള്ള സൗദി വിദ്യാഭ്യാസ വകുപ്പിന്റേതാണ് പുതിയ തീരുമാനം. സൗദിയുടെ വിദ്യാഭ്യാസ നയത്തിന്റെ ചട്ടകൂടില്‍ നിന്ന് വിദേശ സര്‍വകലാശാലകള്‍ക്ക് ശാഖകള്‍ തുറക്കാമെന്ന് ഉന്നത വിദ്യാഭ്യാസ മന്ത്രാലയത്തിലെ കൗണ്‍സില്‍ ഓഫ് യൂണിവേഴ്‌സിറ്റി അഫയേഴ്‌സ് അറിയിച്ചു.
പുതിയ നിയമം പ്രാബല്യത്തില്‍ വരുന്നതോടെ സൗദിയിലെ പ്രവാസി ഇന്ത്യക്കാരുടെ മക്കളുടെ തുടര്‍പഠനത്തിന് പരിഹാരമാകും. വിദേശ സര്‍വകലാശാലകള്‍ക്ക് ശാഖകള്‍ തുറക്കാന്‍ അനുമതി ലഭിക്കുന്നതോടെ പ്രവാസി വിദ്യാര്‍ത്ഥികള്‍ക്ക് ഉന്നത പഠനത്തിനും ശാസ്ത്ര ഗവേഷണങ്ങള്‍ക്കും സൗദിയില്‍ തന്നെ അവസരം ലഭിക്കും. ഉന്നത വിദ്യാഭ്യാസ രംഗത്ത് പ്രവാസികള്‍ക്ക് പ്രവേശനം ലഭിക്കുന്ന മികച്ച വിദ്യാഭ്യാസ സ്ഥാപനങ്ങള്‍ സൗദിയില്‍ ഇല്ലാത്തതിനാല്‍ പ്ലസ്ടു പഠനത്തിന് ശേഷം പ്രവാസി ഇന്ത്യക്കാരുടെ മക്കള്‍ തുടര്‍പഠനത്തിനായി ഇന്ത്യയിലേക്കോ മറ്റ് വിദേശ രാജ്യങ്ങളിലേക്കോ പോകേണ്ട സ്ഥിതിയായിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
