December 02, 2023
December 02, 2023
ദോഹ: ഖത്തറില്‍ പരിസ്ഥിതി കാലാവസ്ഥ മന്ത്രാലയം ഇലക്ട്രിക്, ഹൈബ്രിഡ് വാഹനങ്ങളുടെ പ്രദര്‍ശനം സംഘടിപ്പിക്കുന്നു. ഡിസംബര്‍ 9ന് കത്താറ വില്ലേജിലാണ് പ്രദര്‍ശനം. പരിസ്ഥിതി സംരക്ഷണം, കാര്‍ബണ്‍ ബഹിര്‍ഗമനം കുറയ്ക്കുക, പരിസ്ഥിതി സൗഹൃദ ഗതാഗതം പ്രോത്സാഹിപ്പിക്കുക എന്നീ ലക്ഷ്യത്തോടെയാണ് പ്രദര്‍ശനം സംഘടിപ്പിക്കുന്നത്.
ഇലക്ട്രിക്, ഹൈബ്രിഡ് കാറുകളുടെ ഏറ്റവും പുതിയ മോഡലുകളും പ്രദര്‍ശനത്തിലെത്തും. സന്ദര്‍ശകര്‍ക്ക് കാറുകളുടെ സവിശേഷതകളെക്കുറിച്ച് പഠിക്കാനും അഭിപ്രായങ്ങള്‍ പ്രകടിപ്പിക്കാനുമുള്ള അവസരമുണ്ടാകും.
ഇലക്ട്രിക്, ഹൈബ്രിഡ് സാങ്കേതിക വിദ്യകളുടെ പ്രധാന്യത്തെക്കുറിച്ചും പരിസ്ഥിത് സംരക്ഷണത്തിലെ ക്രിയാത്മകമായ പങ്കിനെക്കുറിച്ചും അവബോധം വര്‍ധിപ്പിക്കാന്‍ പ്രദര്‍ശനം സഹായകമാകുമെന്ന് വിദഗ്ദര്‍ പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
