August 07, 2023
August 07, 2023
ന്യൂസ്‌റൂം ബ്യുറോ
ദോഹ : ദോഹയിൽ നടക്കാനിരിക്കുന്ന ഹോർട്ടികൾച്ചറൽ എക്സ്പോ 2023-ന്റെ വോളണ്ടിയർ രജിസ്ട്രേഷൻ സമാപിച്ചു.രജിസ്ട്രേഷൻ തുടങ്ങി അഞ്ച് ദിവസത്തിനകം അരലക്ഷം പേരാണ് അപേക്ഷകരായി എത്തിയത്.
ആറ് മാസം നീണ്ടുനിൽക്കുന്ന എക്സ്പോയുടെ ഭാഗമാകാൻ ആഗ്രഹിക്കുന്ന ഉത്സാഹികളായ വ്യക്തികളിൽ നിന്ന് 50,000-ത്തിലധികം അപേക്ഷകൾ ഒഴുകിയെത്തിയതിലൂടെ തങ്ങൾക്ക് മികച്ച പ്രതികരണമാണ് ലഭിച്ചതെന്നും വോളണ്ടിയർ രജിസ്ട്രേഷൻ അവസാനിപ്പിക്കുകയാണെന്നും സംഘാടകർ ഇൻസ്റ്റഗ്രാം പോസ്റ്റിലൂടെ അറിയിച്ചു.
അതേസമയം,ഹോർട്ടികൾചറൽ എക്സ്പോയുമായി ബന്ധപ്പെട്ട് ഇനിയും പല വിധത്തിലുള്ള അവസരങ്ങൾക്കും സാധ്യതയുണ്ടെന്ന സൂചനയും സംഘാടകർ നൽകുന്നുണ്ട്.വോളണ്ടിയർ രജിസ്ട്രേഷൻ അവസാനിച്ചെങ്കിലും, കൂടുതൽ അപ്‌ഡേറ്റുകൾക്കും അറിയിപ്പുകൾക്കുമായി എക്സ്പോ 2023 ഔദ്യോഗിക വെബ്‌സൈറ്റ് പിന്തടരാൻ സംഘാടകർ നിർദേശിച്ചു.
2023 ഒക്ടോബർ മുതൽ 2024 മാർച്ച് വരെ, അൽ ബിദ്ദ പാർക്കിൽ നടക്കുന്ന എക്സ്പോയിൽ ഏകദേശം 3,000,000 സന്ദർശകർ എത്തുമെന്നാണ് പ്രതീക്ഷിക്കുന്നത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
