April 09, 2024
April 09, 2024
ദോഹ: ഈദുൽ ഫിത്വറിനോടനുബന്ധിച്ച് കത്താറയിൽ നാളെ (ബുധനാഴ്ച) മുതൽ നാല് ദിവസങ്ങളിലായി നിരവധി പരിപാടികൾ സംഘടിപ്പിക്കുന്നു. എല്ലാ ദിവസവും ഉച്ചകഴിഞ്ഞ് 3 മണി മുതൽ രാത്രി 9 മണി വരെയാണ് പരിപാടി. കത്താറ കോർണിഷിൽ വൈകുന്നേരം 6 മണി മുതൽ 6.30 വരെയും, രാത്രി 8 മണി മുതൽ 8.30 വരെയും കുട്ടികൾക്കായി കത്താറ സമ്മാനങ്ങൾ നൽകും. രാത്രി 9 മണി മുതൽ 9.10 വരെ ഫയർവർക്‌സുണ്ടാകും.
മൊറോക്കോ, ഫലസ്തീൻ, ഈജിപ്ത്, സിറിയ എന്നിവിടങ്ങളിൽ നിന്നുള്ള സാംസ്കാരിക ഗ്രൂപ്പുകളുടെ പ്രകടനങ്ങളും, വൈകിട്ട് 3 മണി മുതൽ രാത്രി 9 മണി വരെ ഖത്തറി നാടോടി പ്രകടനവും കത്താറ കോർണിഷിൽ നടക്കും. രാത്രി 7.30 മുതൽ 8 മണി വരെയും, 9.30 മുതൽ 10 മണി വരെയും അൽ ഹിക്മ സ്‌ക്വയറിൽ (ദ ഡാൻസിങ് ഫൗണ്ടൻ) ഹമീദ് അൽ നൈമയുടെ സംഗീത പരിപാടികളും ഉണ്ടായിരിക്കും. മൈലാഞ്ചി സ്റ്റാളുകൾ, കാലിഗ്രാഫി, കരകൗശല പ്രദർശനങ്ങൾ, അൽ ഗന്നാസ് ഖത്തരി സൊസൈറ്റിയുമായി ബന്ധപ്പെട്ട സ്റ്റാളുകൾ, പ്രാദേശിക പാചകരീതികളുടെ പ്രദർശനങ്ങൾ എന്നിവയും സംഘടിപ്പിക്കും.
വൈകുന്നേരം 6 മണി മുതൽ 7 മണി വരെ "പീപ്പിൾ ഓഫ് ദി സീ" നാടകം, 7.30 മുതൽ 8 മണി വരെ കുട്ടികളുടെ ഓർക്കസ്ട്ര, രാത്രി 8.30 മുതൽ 9 മണി വരെ "ലാൻഡ് ഓഫ് ലൈഫ്" നാടകം എന്നിങ്ങനെ കുടുംബങ്ങൾക്കും കുട്ടികൾക്കും വേണ്ടിയുള്ള നാടക പ്രകടനങ്ങളും പരിപാടിയുടെ സവിശേഷതയാണ്. സൈനിക പരേഡും ഉണ്ടാരിക്കും.
പൂക്കൾ, പേപ്പർ ഡോ, ഒറിഗാമി പുഷ്പം, ആശംസാ കാർഡുകൾ, ഈദ് കുക്കി ഡെക്കറേഷൻ, ഫ്ലവർ റീത്ത്, പെയിൻ്റിംഗ്, കളറിംഗ്, പോസ്റ്റ്കാർഡ് ഡിസൈൻ, സ്റ്റാമ്പ് സ്റ്റിക്കിംഗ്, സ്റ്റാമ്പ് കളറിംഗ്, ബലൂൺ ഷേപ്പിംഗ് എന്നിവ ഉൾപ്പെടെ നിരവധി ആർട്ട് ആൻ്റ് ക്രാഫ്റ്റ് വർക്ക് ഷോപ്പുകളും കത്താറ കോർണിഷിൽ കുട്ടികൾക്കായി സംഘടിപ്പിക്കും.
ന്യൂസ്‌റൂം ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
