January 03, 2024
January 03, 2024
ദോഹ: ഖത്തറിൽ സൈബർ സുരക്ഷാ വിദ്യാഭ്യാസ പാഠ്യപദ്ധതി നടപ്പാക്കുമെന്ന് നാഷണൽ സൈബർ സെക്യൂരിറ്റി ഏജൻസി (എൻ.സി.എസ്.എ) പ്രഖ്യാപിച്ചു. ഖത്തർ വിദ്യാഭ്യാസ മന്ത്രാലയത്തിന്റെ (MoEHE) പങ്കാളിത്തത്തോടെയാണ് പദ്ധതി നടപ്പാക്കുന്നത്. പദ്ധതിയുടെ ആദ്യ ഘട്ടത്തിൽ 170 സ്വകാര്യ സ്കൂളുകളിലും, അടുത്ത ഘട്ടത്തിൽ 100 സ്വകാര്യ സ്കൂളുകളിലും നടപ്പാക്കുമെന്ന് അധികൃതർ വ്യക്തമാക്കി.
ഡിജിറ്റൽ ലോകത്തെ സുരക്ഷിതമായും ഫലപ്രദമായും കൈകാര്യം ചെയ്യാൻ കഴിവുള്ള പുതിയ തലമുറയെ കെട്ടിപ്പടുക്കാനും, സൈബർ സുരക്ഷയും ഡിജിറ്റൽ സുരക്ഷയുമായി ബന്ധപ്പെട്ട വിവിധ ആശയങ്ങളെക്കുറിച്ച് കുട്ടികൾക്കും കൗമാരക്കാർക്കും അവബോധം വളർത്താനുമാണ് സൈബർ സുരക്ഷാ വിദ്യാഭ്യാസ പാഠ്യപദ്ധതി ലക്ഷ്യമിടുന്നത്. 2023-ൽ ഖത്തറിലെ എല്ലാ സർക്കാർ സ്കൂളുകളിലും പദ്ധതി നടപ്പാക്കിയതിന് ശേഷമാണ് സ്വകാര്യ സ്‌കൂളുകളിൽ വിദ്യാഭ്യാസ സൈബർ സുരക്ഷാ പാഠ്യപദ്ധതി നടപ്പാക്കുന്നത്. പ്രൈമറി സ്കൂളിലെ ഒന്നാം ക്ലാസ് മുതൽ സെക്കൻഡറി സ്കൂളിലെ മൂന്നാം ക്ലാസ് വരെയുള്ള വിവിധ ക്ലാസ്സുകളിലെ വിദ്യാർത്ഥികളെയാണ് പദ്ധതി ലക്ഷ്യമിടുന്നത്.
പദ്ധതിയുടെ ഭാഗമായി വിദ്യാഭ്യാസ മന്ത്രാലയവുമായി സഹകരിച്ച് എൻസിഎസ്എ ഈ മാസം സ്‌കൂളുകളിൽ സൈറ്റ് സന്ദർശനം ആരംഭിക്കും. കൂടാതെ, രക്ഷിതാക്കൾക്കും പ്രത്യേക പരിശീലനം നൽകുമെന്ന് അധികൃതർ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
