October 04, 2023
October 04, 2023
അബുദാബി: അബുദാബിയിലെ ബിഗ് ടിക്കറ്റ് 256–ാം സീരീസ് നറുക്കെടുപ്പിൽ മലയാളി ഡ്രൈവർക്ക് സമ്മാനം. ഖത്തറിൽ ഡ്രൈവറായി ജോലി ചെയ്യുന്ന മുജീബ് തെക്കേമാട്ടേരിക്കാണ് 34 കോടിയോളം രൂപ (15 ദശലക്ഷം ദിർഹം) ഗ്രാൻഡ് സമ്മാനം ലഭിച്ചത്.
098801 എന്ന ടിക്കറ്റ് നമ്പറിനാണ് സമ്മാനം. കഴിഞ്ഞ 8 വർഷമായി ഖത്തറിലെ ബാങ്ക് ഓഡിയിൽ ഡ്രൈവറായി ജോലി ചെയ്യുന്ന മുജീബ്, 12 സുഹൃത്തുക്കളുമായി ചേർന്നാണ് ടിക്കറ്റെടുത്തത്. കഴിഞ്ഞ 2 വർഷമായി എല്ലാ മാസവും ഇവർ ടിക്കറ്റെടുക്കാറുണ്ടായിരുന്നു. സുഹൃത്തുക്കളുമായി ആലോചിച്ച് പണം എന്തു ചെയ്യണമെന്ന് തീരുമാനിക്കുമെന്നും, പ്രാരാബ്ധങ്ങൾ തീർക്കുമെന്നും മുജീബ് പറഞ്ഞു.
അതേസമയം, മറ്റു നറുക്കെടുപ്പുകളിൽ 7 ഇന്ത്യക്കാർക്ക് കൂടി സമ്മാനം ലഭിച്ചു. ഇന്ത്യക്കാരായ അജീബ് ഒമർ (ഒരു ലക്ഷം), കെ.എ. മുഹമ്മദ് റിഷാദ് (70,000), ആന്‍റണി വിൻസെന്‍റ് ( 60,000), അജ്മൽ കൊല്ലംകുടി ഖാലിദ് ( 50,000), ലിപ്സൺ കൂത്തുർ വെള്ളാട്ടുകര പോൾ (40,000), പൊയ്യിൽ താഴെ കുഞ്ഞബ്ദുല്ല (30,000), മുഹമ്മദ് അസീബ് ചെങ്ങനക്കാട്ടിൽ (20,000) എന്നിവരാണ് മറ്റു വിജയികൾ.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
