October 24, 2023
October 24, 2023
ദോഹ: ഖത്തറിലുള്ളവര്‍ക്ക് ആമസോണിന്റെ യുഎഇ ബ്രാഞ്ച് വഴി ഇനി സാധനങ്ങള്‍ ഓര്‍ഡര്‍ ചെയ്യാന്‍ സാധിക്കും. കമ്പനിയുടെ യുഎഇ ശാഖയുടെ പ്രവര്‍ത്തനം വിപുലീകരിച്ചതായി ആമസോണ്‍ പത്രക്കുറിപ്പില്‍ വ്യക്തമാക്കി. ഫാഷന്‍, ഇലക്ട്രോണിക്‌സ്, പുസ്തകങ്ങള്‍ എന്നിവയുള്‍പ്പെടെ വിവിധ വിഭാഗങ്ങളില്‍ നിന്നുള്ള ഉത്പന്നങ്ങള്‍ ഇനിമുതല്‍ ഖത്തറിലെ ഉപഭോക്താക്കള്‍ക്ക് ആമസോണിലൂടെ വാങ്ങാന്‍ കഴിയും. യുഎഇയില്‍ നിന്ന് സാധനങ്ങള്‍ ഷിപ്പ് ചെയ്യും.
ലഭ്യമായ വസ്തുക്കള്‍ വേഗത്തില്‍ കണ്ടെത്താനും വാങ്ങാനുമുള്ള എളുപ്പവഴി വേണമെന്ന ഖത്തറിലെ ഓണ്‍ലെന്‍ ഷോപ്പര്‍മാരുടെ നിരന്തര ആവശ്യം കണക്കിലെടുത്താണ് പുതിയ തീരുമാനമെന്ന് ആമസോണ്‍ മിഡില്‍ ഈസ്റ്റ് ആന്റ് നോര്‍ത്ത് ആഫ്രിക്ക വൈസ് പ്രസിഡന്റ് റൊണാള്‍ഡോ മൗചവാര്‍ പറഞ്ഞു. അവശ്വസനീയമായ ഡീലുകളും പ്രമോഷനുകളുമായി amazon.ae സെയില്‍സ് ഇവന്റുകള്‍ ഖത്തര്‍ നിവാസികള്‍ക്ക് ആസ്വദിക്കാനാകുമെന്നും അദ്ദേഹം വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
